ملير پوليس پاران وڏي مقدار ۾ منشيات هٿ ڪرڻ جي دعويٰ

ڪارروائي دوران شبير احمد ۽ واسيع القمر کي گرفتار ڪري ورتو: پوليس

ملير (رپورٽ: عبدالرشيد مورجھريو)ملير پوليس گٽڪي ماوي ۽ سوپاري خلاف جاري ڪریک ڊائون دوران ميمن ڳوٺ ٿاڻي جي پوليس خفيه اطلاع تي بروقت ۽ ڪارروائي ڪندي وڏي سپلائي ناڪام بڻائي ڇڏي.تفصيل موجب ميمن ڳوٺ ٿاڻي جي ايس ايڇ او پوليس ٽيم سان گڏ علائقي ۾ ڪارروائي ڪئي، جنهن دوران 240 ڪلوگرام کان وڌيڪ سوپاري تحويل ۾ وٺي ڇڏي . پوليس موجب جوابدارن جي قبضي مان تيار ڪيل صحت لاءِ هاڃيڪار گٽڪو مائو به برآمد ڪيو ويو، جڏهن ته سپلائي لاءِ استعمال ٿيندڙ گاڏيون به پوليس قبضي ۾ وٺي ورتيون ويون آهن.ابتدائي جاچ ۾ انڪشاف ٿيو آهي ته جوابدار گاڏين ۾ ٺهيل خفيه خانن ۾ سوپاري لڪائي کڻي وڃي رهيا هئا، جنهن کي گٽڪو ماوي تيار ڪرڻ ۾ استعمال ڪيو وڃڻو هو. پوليس جو چوڻ آهي ته جوابدار ڇاليهو خريد ڪري گٽڪو مائو تيار ڪندا هئا ۽ مختلف علائقن ۾ سپلائي ڪندا هئا.ڪارروائي دوران پوليس ٻن جوابدارن کي گرفتار ڪري ورتو، جن جي سڃاڻپ شبير احمد ۽ واسي القمر طور ڪئي وئي آهي. جوابدارن خلاف ڪيس داخل ڪري وڌيڪ جاچ جاري آهي.