شهدادپور ۾ نينگر سان مبينا اغوا بعد اجتماعي بدفعلي، ڪيس داخل

سوائي روڊ پاڙي واسي 14 ورهين جي نينگر کي ٽن جوابدارن اغوا ڪرڻ بعد بدفعلي جو نشانو بڻايو: والد

شهدادپور (رپورٽر) شهدادپور ۾ پوڄا لاءِ ويندڙ هندو نينگر اغوا بعد ٽن جوابدارن پاران نينگر سان اجتماعي بدفعلي، ڪيس داخل، شهر جي سوائي روڊ پاڙي واسي 14 ورهين جي نينگر کي اغوا بعد 3 جوابدارن ڪيلي جي فصل ۾ وٺي وڃي بدفعلي ڪئي متاثر نينگر جي والد ڪَنيا لال جي فرياد تي 3 جوابدارن تي ايف آءِ آر درج ڪري ورتي فريادي ڪنيا لال جو چوڻ هو ته جوابدارن غلام علي عُرف شمن ڪلهوڙو، بَچو رند ۽ آصف راجپوت پُٽ کي زبردستي اغوا ڪري ڪيلي جي فصل ۾ وٺي وڃي اجتماعي بدفعلي جو نشانو بڻايو جوابدارن پُٽ سان ظلم ڪري زندگي تباهه ڪري ڇڏي، جوابدار گرفتار ڪري انصاف ڪيو وڃي، پوليس نينگر کي ميڊيڪل چڪاس لاءَ اسپتال منتقل ڪري ڇڏيو