ڀريا روڊ ٽائون ڪاميٽي جي ملازمن پاران ٽئين ڏينهن به وڌيل پگهار نه ملڻ خلاف احتجاج

قمر منگي، عبدالستار، مولوي ممتاز، راجا ڪيريو ۽ ٻين جي اڳواڻي ۾ احتجاج ڪيو ويو، نعريبازي

نوشهروفيروز (ڊ ر) ڀريا روڊ ٽائون ڪاميٽي جي ملازمن پاران اڄ ٽئين ڏينهن به سنڌ حڪومت طرفان وڌايل پگهار نه ملڻ خلاف احتجاجي مظاهرو ڪيو جنهن جي اڳواڻي قمر منگي، عبدالستار، مولوي ممتاز، راجا ڪيريو ۽ ٻيا ڪري رهيا هئا جن حقن جي حاصلات لاءِ نعريبازي به ڪئي ان موقعي تي ميڊيا اڳيان دانهيندي ملازمن چيو ته چيئرمين ٽائون ڪاميٽي ڀريا روڊ امتياز آرائين، ٽائون آفيسر عمران کنڊ ۽ اڪائونٽنٽ جاويد آرائين سرڪار پاران وڌايل پگهار نه ٿا ڏين جيڪا اسان غريب ملازمن سان وڏي زيادتي آهي اسان جي وڌيل پگهار ۾ وڏي پئماني تي ڪرپشن ڪري رهيا آهن هنن چيو ته اسان پاڪ ڪتاب کڻي ٽائون چيئرمين ڏي وياسين ته خدارا اسان کي پنهنجو جائز حق وڌيل جاري ڪيو پر چيئرمين پاڪ ڪتاب تي اسان جي هڪ به نه مڃي ۽ اسان جائز حق ڏيڻ کان انڪار ڪري ڇڏيو ۽ ملازمن جي خلاف انتقامي ڪاروائيون ڪرڻ شروع ڪيون آهن هنن سنڌ سرڪار ۽ وزير بلديات ۽ ڊائريڪٽر لوڪل گورنمينٽ شهيد بينظير آباد، ڊپٽي ڊائريڪٽر نوشهروفيروز کان مطالبو ڪيو ته جائز پگهار ملازمن کي ڏياري ۽ ڀريا روڊ ٽائون مان ڪرپشن جو خاتمو آندو وڃي ٻي صورت ۾ احتجاج جو دائرو وڌايو ويندو