منشيات خلاف پورٽ قاسم اسڪول ۾ آگاهي تقريب ۽ ريلي منعقد

ريلي ۽ تقريب ۾ استادن، شاگردن ۽ علائقي جي شهرين وڏي انگ ۾ شرڪت ڪئي

ملير (رپورٽ: عبدالرشيد مورجھريو) تمباڪو ۽ منشيات خلاف پورٽ قاسم اسڪول ۾ آگاهي تقريب ۽ ريلي، شاگردن جي وڏي تعداد ۾ شرڪت تفصيل موجب ڊپٽي ڪمشنر ملير جي هدايتن تي سرڪاري بوائز سيڪنڊري اسڪول پورٽ قاسم ۾ تمباڪو نوشي ۽ منشيات خلاف آگاهي تقريب ۽ ريلي منعقد ڪئي وئي، جنهن ۾ استادن، شاگردن ۽ علائقي جي معزز شهرين وڏي انگ ۾ شرڪت ڪئي.تقريب ۾ ڪوآرڊينيٽر بلال ظفر، هيڊ ماستر سيد ڪپتان شاهه، هيڊ ماسترياڻي نسيم جهتيال، فرزانه حاجاڻو، زبيده ميمڻ، ساجده ابڙو، رشيده ميمڻ، سعيده تنيو، پرھ ، مومل، مھرالله نوناري، علي انور تنيو، معشوق جتوئي، احمد خان ميمڻ، عتيق احمد، جهانزيب ۽ ٻين شرڪت ڪئي.ان موقعي تي هيڊ ماسترياڻي نسيم جهتيال خطاب ڪندي چيو ته منشيات خاص ڪري تمباڪو نوشي نوجوانن لاءِ هڪ قاتل زهر آهي جيڪا وبا جيان اسان جي سماج ۾ تيزي سان پکڙجي رهي آهي هن چيو ته منشيات نوجوانن جي ذهني ۽ تخليقي صلاحيتن کي سخت متاثر ڪري سماجي براين ڏانهن ڌڪي ٿي جنهن سبب سندن مستقبل تباھ ٿي رهيو آهي هن وڌيڪ چيو ته نوجوان غلط صحبت سبب پنهنجي زندگي، تعليم ۽ ڪيريئر کي داءُ تي لڳائي رهيا آهن هن والدين، استادن ۽ سماج جي هر فرد تي زور ڏنو ته هو گڏجي هن ناسور خلاف آواز اٿارين ۽ نئين نسل کي تباهي کان بچائين تقريب کان پوءِ شاگردن ۽ استادن اسڪول کان ڪالوني جي مک گيٽ تائين ريلي ڪڍي، جيڪا هيڊ ماستر ڪپتان شاهه، بلال ظفر، محمد جمن، احمد ميمڻ، مھرالله ۽ ٻين جي اڳواڻي ۾ ٿي. ريلي دوران شاگردن جي هٿن ۾ منشيات خلاف پلي ڪارڊ ۽ بينر هئا، جڏهن ته “منشيات بند ڪريو، مستقبل بچايو” جا نعرا هنيا ويا.