ڪراچي: سهراب ڳوٺ ويجهو گهر مان عورت ۽ ٽن معصوم ٻارڙن جا ڦاهو لڳل لاش هٿ

صوبائي گهرو وزير پاران واقعي جو نوٽيس

ڪراچي (اعجاز چانڊيو)سهراب ڳوٺ ويجهو گهر مان ٽي ٻارن ۽ هڪ عورت جو لاش برآمد، واقعي تي سنڌ سرڪار جو سخت نوٽيس تفصيل موجب سهراب ڳوٺ گنامنڊي جي ڀرسان هڪ گهر مان ٽي ٻارن ۽ هڪ عورت جا لاش مليا آهن، جن کي ابتدائي طور گهريلو گهر اندر ڳچيءَ ۾ رسيون ٻڌل حالت ۾ ڏٺو ويو آهي. واقعي کان پوءِ علائقي ۾ خوف جي لهر پکڙجي وئي، جڏهن⁠ ته پوليس گهر کي سيل ڪري شواهد گڏ ڪرڻ شروع ڪري ڇڏيا آهن۔ پوليس ذريعن موجب، چارئي لاش گهر جي اندر لٽڪيل حالت ۾ مليا آهن، جڏهن⁠ ته واقعي جي اصل نوعيت — قتل، يا اجتماعي خودڪشي — بابت جاچ جاري آهي۔ پوسٽ مارٽم رپورٽ کان پوءِ وڌيڪ واضح ٿيڻ جي اميد آهي۔ ھوڏانهن سنڌ جي وزير داخلہ ضيا الحسن لنجار واقعي جو سخت نوٽيس وٺندي ايس ايس پي ايسٽ کان فوري تفصيل طلب ڪري ورتا۔ انهن هدايت ڪئي ته "قتل جي پويان اصل حقائق سامهون يندا ۽ ملوث عناصر کي بنا دير قانون جي ڪٽهڙي ۾ آندو ويندو"۔ وزير داخلہ وڌيڪ چيو ته: "واقعي ۾ ملوث ماڻهن جي شناخت ۽ گرفتاري کي يقيني بڻايو وڃي، متاثر خاندان کي انصاف ڏياريو ويندو ۽ تحقيقات مڪمل طور شفاف بنيادن تي ڪئي ويندي"۔ پوليس موجب فرانزڪ ۽ تفتیشي عمل جاري آهي، تنقيدي سوال اٿاريا پيا وڃن ته جيڪڏهن واقعي قتل آهي ته ان جا سبب ڪهڙا آهن ۽ جيڪڏهن خودڪشي آهي ته ان جا پس منظر ڇا آهن۔