عوامي پريس ڪلب ٺٽو ۾ ڪرسمس جي شاندار تقريب

251 views | 25th Dec 2025 • سنڌي خبرون

تقريب جو اهتمام عوامي پريس ڪلب ٺٽو جي ميمبر نقاش مسيح ڪيو

عوامي پريس ڪلب ٺٽو ۾ ڪرسمس جي شاندار تقريب

ٺٽو(شفيق ڀٽي)عوامي پريس ڪلب ٺٽو ۾ اقليت جي مذهبي ڏهاڙي ڪرسمس جي مناسبت سان هڪ اهم تقريب منعقد ڪئي وئي، جنهن جو اهتمام عوامي پريس ڪلب ٺٽو جي ميمبر نقاش مسيح طرفان ڪيو ويو۔ تقريب ۾ عوامي پريس ڪلب ٺٽو جي صدر بلاول سمون، جنرل سيڪريٽري محمد عمر سرائي، حيدرآباد يونين آف جرنلسٽس ٺٽو جي صدر شبیر ڀٽي، اي بي شورو، مختيار جان چانڊيو، ايوانِ صحافت جي نواب شبير عابداڻي، عبدالحميد چنڊ، زاھد قادري، مڪلي پريس ڪلب جي راجا تنوير خاصخيلي ,ممتاز سميجو سميت صحافين ۽ سماجي اڳواڻن وڏي انگ ۾ شرڪت ڪئي۔ تقريب دوران ڪرسمس جو ڪيڪ ڪٽي نقاش مسيح سميت سموري اقليتي برادري کي ڪرسمس جي مبارڪباد پيش ڪئي وئي ۽ سندن لاءِ نيڪ خواهشن جو اظهار ڪيو ويو۔