پڪاچانگ واسڻ ناريون ڪراچي ۾ دربدري جو شڪار، سندن گهرن ۽ ملڪيتن تي مبينا قبضا، نوٽيس وٺڻ جو مطالبو

ملیر (رپورٽ: عبدالرشيد مورجھريو) ضلع خيرپور ميرس ، پڪا چانگ جي ڳوٺ حاجي محمد پريل چانگ جون نياڻيون رشيده چانگ ۽ ڪبره چانگ، جون ڪجھ ڏينھن اڳ ميڊيا ۾ خبرون لڳڻ کان پوءِ وڌيڪ پريشاني ۾ اچي ويون جوابدارن پاران ڳولا ڪري مارڻ اغوا ڪرڻ جون ڌمڪيون ملڻ لڳيون، نياڻيون ڪراچي ۾ دربدر، گھرن ملڪيتن تي قبضو جاري ننڍڙا معصوم ٻچا پريشان، تفصيل موجب ضلع خيرپور ميرس پڪا چانگ ڳوٺ محمد پريل چانگ جون نياڻيون رشيده چانگ ۽ ڪبره چانگ ڪراچي ۾ صحافين اڳيان دانھيندي ٻڌايو ته ڪجھ ڏينھن اڳ اسان ميڊيا ۾ جوابدارن وڪيل ڪاشف چانگ ،خان محمد، احمد علي، عبدالحفيظ، لياقت علي حضور بخش، عبدالغفور، محمد حسين چانگ ۽ ٻين خلاف دانھيو ھو اخبار ۾ خبرون لڳڻ کان پوءِ جوابدار وڌيڪ مڇرجي اسان کي مارڻ اغوا ڪرڻ جون ڌمڪيون ڏيئي رھيا آھن ، ان موقعي تي رشيده چانگ ٻڌايو ته جوابدارن اڳ ۾ به مون کي زبردستي پڪڙي تشدد ڪري اڇن پنن تي زوري سھيون ورتيون جنهن ڪري منهنجي پيٽ ۾ پلجندڙ ٻار به زاء ٿي ويو، ان چيو ته ھيئنر جوابدار مون تي دٻاءُ وجهي رھيا آھن ته تون پنهنجي مڙس عبدالرزاق چانگ تي گواھي ڏي ته وڪيل ڪاشف چانگ جي ڀاءُ کي تنھنجي مڙس قتل ڪيو آهي ان روئيندي چيو ته منهنجو مڙس بيگناھ آهي ان تي ناحق جو ڪيئن گواھي ڏيان، ھن چيو ته جوابدارن اڇن پنن تي مون کان زبردستي سھيون ورتيون هيون ھيئنر ھو چون پيا ته اوهان جي گھرن مان جيڪا ملڪيت اسان کڻي ويا آھيون اھا به اوهان پاڻ لکت ۾ اسان جي حوالي ڪيو آهي،ان چيو ته جوابدار وڏا ظالم فراڊي آھن حد جي پوليس به انهن سان ٻٽ بڻيل آهي، جوابدار اثر رسوخ وارا ھجڻ ڪري انهن سياسي پٺڀرائي حاصل آهي اسان غريب آهيون ، اسان جي مردن تي ناحق خونن جي ڪيسن ۾ ڦاسائي ڪي جيلن ته بند ڪرايو ويو ،اسان نياڻيون دربدر آھيون، انھن وزير اعلي سنڌ، آئي جي سنڌ، ايس ايس پي خيرپور ميرس، کان اپيل ڪندي چيو ته اسان سان انصاف ڪيو وڃي،