ٺٽو پوليس جون ڪارروائيون، منشيات فروشن ۽ ڏوهارين سميت 4 ڄڻا گرفتار

ٺٽو (شفيق ڀٽي)ٺٽو پوليس جون ڪامياب ڪارروايون 2 ڏوهاري، 1 منشيات فروش، 1 گٽڪو فروش سميت 4 جوابدار گرفتار، 2 پسٽل، 2050 پُڙيون انڊين گٽڪو، 20 بيگ ڪچو شراب، 1 سوزوڪي پڪ اپ ۽ 1 موٽر سائيڪل هٿ، ڪيس داخلآءِ جي پي سنڌ غلام نبي ميمڻ ۽ ڊي آءِ جي پي حيدرآباد رينج طارق رزاق خان ڌاريجو جي هدايتن جي روشني ۾ ايس ايس پي ٺٽو فاروق احمد بجاراڻي جي حڪمن تي ٺٽو پوليس طرفان ڪامياب ڪارروايون ڪيون ويون آهن.سب انسپيڪٽر راجا ظفر راجپوت پنهنجي عملي سان گڏ ٿاڻي ٺٽو جي حد شاهه مراد لنڪ روڊ، مازا جوس فيڪٽري ڀرسان ڪامياب ڪارروائي ڪندي سوزوڪي پڪ اپ نمبر LF-1195 ذريعي انڊين گٽڪو سپلاءِ ڪرڻ جي ڪوشش ناڪام بڻائي، جوابدار شاهنواز ولد محمد سليم جوکيو کي 2050 پُڙيون انڊين گٽڪو ۽ سوزوڪي پڪ اپ سميت گرفتار ڪري ورتو.ان کان علاوه ايس ايڇ او ٿاڻو گهارو انسپيڪٽر محمد علي ڌامراھ دوران جاچ رابري جي ڪيس ۾ گرفتار جوابدارن اياز عرف علو چانڊيو ۽ دولت خان پٺاڻ کان ڏوهن ۾ استعمال ٿيل 2 پسٽل ۽ هڪ موٽر سائيڪل هٿ ڪري ورتي. ساڳئي طرح هڪ منشيات فروش جوابدار عابد چانڊيو کي 20 بيگ ديسي شراب سميت گرفتار ڪيو ويو.گرفتار ڪيل سمورن جوابدارن خلاف لاڳاپيل ٿاڻن تي منشيات آرڊيننس، گٽڪو ايڪٽ ۽ آرمس ايڪٽ تحت الڳ الڳ ڪيس داخل ڪيا ويا آهن۔