عمرڪوٽ جي ڳوٺ احمد درس ۾ مفت طبي ڪيمپ قائم، 500 کان وڌيڪ مريضن جو چڪاس ڪري مفت ۾ دوائون پڻ ڏنيون ويون

ايم ڊي ايف ۽ ٽرانسپيرنٽ هينڊز جي سهڪار سان ڪيمپ لڳائي وئي

عمرڪوٽ(رپورٽ:ڪانجي مل رکيسر) عمرڪوٽ ۾ سماجي تنظيم ايم ڊي ايف ۽ ٽرانسپيرنٽ هينڊز جي سهڪار سان ڳوٺ احمد درس مفت طبي ڪئمپ قائم ڪئي ويئي، 500 کان وڌيڪ مريضن جو چڪاس ڪري مفت ۾ دوائون پڻ ڏنيون ويون، سڄاڻ ڌرين طرفان ساراھ. خبر موجب سماجي تنظيم ايم ڊي ايف، ٽرانسپيرنٽ هينڊز جي سهڪار سان، ري اسٽورنگ سوشل سروسز اينڊ ڪلائيميٽ ريزيلينس پروجيڪٽ (پي پي اي ايف) تحت ڳوٺ احمد درس يونين ڪائونسل کجيراري ۾ مفت طبي ميڊيڪل ڪئمپ قائم ڪئي ويئي جنھن ۾ 500 مرد، عورتون ۽ ٻار مريضن فائدو حاصل ڪيو ۽ کين مفت طبي معائنا ۽ دوائون فراهم ڪيون ويون ڪئمپ ۾ طبي ٽيم پاران هيپاٽائٽس بي ۽ سي، شوگر، رت جا ٽيسٽ ۽ يوريڪ ايسڊ جا ٽيسٽ پڻ ڪيا ويا ۽ طبي سهولتن سان گڏ، آگاهي سيشنز پڻ ڪرايا ويا، جن جو مقصد مقامي ماڻهن کي عام بيمارين، انهن جي سببن ۽ بچاءَ جي طريقن بابت آگاهي ڏيڻ هو ان موقعي تي ڳالهائيندي ايم ڊي ايف جي پروجيڪٽ مئنيجر عالمگير بلال چيو ته هن مفت طبي ڪيمپ جو مقصد پٺتي پيل برادرين تائين گهر جي دروازي تي صحت جون بنيادي سهولتون پهچائڻ ۽ صحت بابت آگاهي وڌائڻ آهي جڏھن ته سماجي تنظيم طرفان قائم ڪيل مفت طبي ميڊيڪل ڪئمپ تي غريب مريضن کي چڪاس ڪري دوائون فراھم ڪرڻ تي سڄاڻ ڌرين طرفان ساراھ ڪئي ويئي آھي