رزاق آباد جي غريب آباد پاڙي ۾ گهرن کي لڳل باھ جا متاثر خاندان کلئي آسمان هي| ويٺل

ٽائون چيئرمين پاران مجموعي طور هڪ لک رپيا امداد طور ڏنا ويا، ٻي ڪا به مدد ناهي ڪئي وئي: متاثر

ملير (رپورٽ: عبدالرشيد مورجھريو)رزاق آباد جي غريب آباد پاڙي ۾ ڪجهه ڏينهن اڳ پيش آيل باھ واري واقعي ۾ متاثر ٿيل پنج ماھيگير خاندان اڃا تائين سرڪاري امداد جا منتظر آهن باھ سبب متاثر ٿيندڙن ۾ اصغر ملاح، سڪندر ملاح، ارشد ملاح، اڪبر ملاح ۽ عمر ملاح شامل آهن.متاثر خاندانن موجب کين رڳو ابراهيم حيدري ٽائون جي چيئرمين طرفان مجموعي طور صرف هڪ لک روپيا امداد طور ڏنا ويا جڏهن ڪنهن سرڪاري عملدار ۽ نه ئي ضلعي انتظاميا طرفان ڪا مدد ڪئي وئي آهي. متاثرن جو چوڻ آهي ته موجوده مهانگائي ۾ هڪ لک روپيا ڪچو گهر مڪان بيگر اڏڻ ناممڪن آهن، ڇاڪاڻ تہ ٿوري رقم سان نه رهائش بحال ٿي سگهي ٿي ۽ نه ئي بنيادي ضرورتون پوريون ٿي سگهن ٿيون.هنن ٻڌايو ته سخت ٿڌ ۾ ٻار ۽ عورتون کليل آسمان هيٺ زندگي گذارڻ تي مجبور آهن، جڏهن ته باھ لڳڻ کان پوءِ اڄ تائين مستقل بحالي لاءِ ڪي به ٺوس قدم اپا ناهن کنيا ويا. متاثر ماھيگيرن اصغر ملاح، سڪندر ملاح، ارشد ملاح، اڪبر ملاح ۽ عمر ملاح حڪومتِ سنڌ، چونڊيل نمائندن ۽ ضلعي انتظاميا کان فوري نوٽيس وٺڻ جو مطالبو ڪيو آهي.متاثر خاندانن اپيل ڪئي آهي ته کين ڪچا مڪان اڏائي ڏنا ڃن