سنڌ يونيورسٽي ڪئمپس لاڙڪاڻو جي شاگردن ۽ شاگردياڻين پاران سرسو سکر جو مطالعاتي دورو

پرو وائيس چانسلر جي هدايت تي شاگردن ۽ شاگردياڻين پاران دورو ڪيو ويو

لاڙڪاڻو(بيورو)سنڌ يونيورسٽي ڪئمپس لاڙڪاڻو جي ڪميپوٽر سائنس جي بئچ 2k22 سنڌ رورل سپورٽ آرگنائيزيشن (سرسو) جي هيڊ آفيس سکر جو مطالعاتي دورو ڪيو، ان سلسلي ۾ پي آر او عاطف رفيق سمون جي جاري ڪيل بيان موجب سنڌ يونيورسٽي ڪئمپس لاڙڪاڻو جي پرو وائيس چانسلر پروفيسر ڊاڪٽر اظهر علي شاهه جي هدايت تي ايس يو سي ايل فيڪلٽي ميمبر علي مصطفيٰ ابڙو جي اڳواڻي ۾ ڪمپيوٽر سائنس جي دانش، ارم، نعيم سميت ٻين شاگردن ۽ شاگردياڻين سرسو سکر هيڊ آفيس جي ايڇ آر ڊپارٽمينٽ جو مطالعاتي دورو ڪيو، ان موقعي تي سرسو سکر جي HR مئنيجر شازيه احمد لاڙڪ وفد جي آجيان ڪئي ۽ HR ڊپارٽمينٽ ۾ هلندڙ ڍانچي، تنظيم، انتظام، فنڪشن، آپريشن ۽ سرگرمين بابت آگاهي ڏني. ان دوران شاگردن مخلتف سوال ڪيا ۽ SRSO HR ڊپارٽمينٽ جي پيشي وراڻي ڪم بابت ڳالهه ٻولهه ڪئي. ان سلسلي ۾ شاگردن ۽ شاگردياڻين جو چوڻ هو ته مطالعتي دوري دوران تمام گهڻو مزو آيو، سنڌ يونيورسٽي ڪئمپس طرفان اهڙا اسٽڊي ٽوئر ڪرائڻ گهرجن، جيئن ته اسان جي ڄاڻ ۾ اضاف ٿي سگهي. هنن چيو ته سرسو جي جي نظرياتي ڄاڻ مارڪيٽ ۾ عملي صلاحيتن سان مالا مال ڪيو جيڪا پيشه وراڻي ترقي لاءِ گهربل آهي. هوڏانهن شاگردن ۽ شاگردياڻين سکر جي مشهور سياحتي هنڌن جو دورو پڻ ڪيو، جن ۾ ساد ٻيلو ۽ لينز ڊائون پل شامل آهن. پرو وائيس چانسلر پروفيسر ڊاڪٽر اظهر علي شاهه جو چوڻ آهي ته تعليمي سرگرمين سان گڏ تفريحي سرگرميون پڻ ضروري آهن ان سان شاگردن ۾ اتساهه پيدا ٿئي ٿو ۽ کين سکڻ جا نوا دڳ ملن ٿا، هو مايوسيءَ جو شڪار ٿيڻ بجاءِ وڌيڪ محنت ڪرڻ تي زور ڏين ٿا. هن چيو ته تعليمي سرگرمين کي سماجي ثقافتي ڍانچي سان ملائي بهتر ماحول ٺاهي سگهجي ٿو، خوشين کي حصيداري ڪرڻ ۽ تجربو ڪرڻ لاءِ ۽ انهن سڀني رنگن توڙي سفر تمام وڏي ڪاميابي طرف اهم قدم هوندا آهن. هن چيو ته سنڌ يونيورسٽي ڪئمپس لاڙڪاڻو شاگردن ۽ شاگردياڻين کي بهترين ماحول مهيا پئي ڪري جيئن هو بهتر نموني سان معاشري ۾ زندگي گذاري سگهن.