ڏوڪري ڀرسان ڳوٺ سيهڙ ۾ هڪ ڏينهن وارو فيملي هيلٿ ميلو لڳايو ويو

ڀرپاسي جي ڳوٺن مان هڪ هزار کان مٿي مريض عورتون ۽ ٻارڙن جو علاج ڪيو ويو

ڏوڪري(رپورٽر) ڏوڪري ڀرسان ڳوٺ سيهڙ ۾ پاپوليشن ويلفيئر ڊپارٽمينٽ ضلعو لاڙڪاڻو پاران هڪ ڏينهن لاء فيملي ھيلٿ ميلو لڳايو ويو ۽ آپريشن ڪري دوائون مفت فراهم ڪيون ويون.جنهن ۾ وڏي انگ ۾ هڪ هزار کان مٿي ڀرپاسي جي ڳوٺن کان مريض عورتون ۽ ٻارڙن شرڪت ڪئي. فئملي هيلٿ ميلي ۾ مختلف شعبن جي ماهر ڊاڪٽرن توڙي ڊاڪٽرياڻين مريضن کي چڪاس ڪري مفت دائون ڏنيون.جنهن ۾ ماروي اسٽوپ،پي پي ايڇ آء،پي ڊي ايف،سرسو،هينڊس،اکين جي ڪئمپ ۽فئملي پلاننگ پاران هڪ ڏينهن واري فئملي هيلٿ ميلي ۾ تعاون ڪيو.ان موقعي تي فئملي هيلٿ ميلو لڳائيندڙ ڊاڪٽرن جو چوڻ هيو ته ھر مهيني ڪنهن نه ڪنهن ڳوٺ ۾ پاپوليشن ڊپارٽمينٽ طرفان هي فئملي هيلٿ ميلو لڳايو ويندو آھي جتي غريب عورتن ٻارڙن کي بيماريون چڪاس ڪري دوائون ڏنيون وينديون آھن.هنن چيو ته غريب ماڻھون دوائون نٿا وٺي سگهن جنهن ڪري هي ميڊيڪل ڪئمپون لڳايون وينديون آھن.هوڏانهن ڊاڪٽر عملي جو چوڻ هو ته ڳوٺ جو نيڪ مرد امداد خاصخيلي جن جا وڌيڪ شڪر گذار آھيون جن فيملي ھيلٿ ميلي ۾ بھترين تعاون ڪيو ۽ عزت بخشي.