ملير: شاه لطيف پاران ٽن جوابدارن کي گرفتار ڪرڻ جي دعويٰ

مقابلي مان 2 ڏوهاري زخمي ٿي پيا، کين ساٿي سميت گرفتار ڪيو: پوليس

ملير (رپورٽ: عبدالرشيد مورجھريو) شاه لطيف پوليس ۽ جوابدارن وچ ۾ مبینا مقابلو ٿيو۔ پوليس موجب نامعلوم موٽر سائيڪل سوارن کي روڪڻ جو اشارو ڪيو ته هٿياربند جوابدارن بي ڌڙڪ فائرنگ شروع ڪري ڏني، جنهن تي پوليس به جوابي ڪارروائي ڪئي۔مقابلي دوران ٻه جوابدار عاشق علي ۽ آفتاب زخمي حالت ۾ گرفتار ڪيا ويا، جڏهن ته هڪ جوابدار علي کي بغير زخم جي حراست ۾ ورتو ويو۔پوليس موجب گرفتار جوابدارن جي قبضي مان ٻه پسٽل، گوليون، چار ڦرلٽ ڪيل موبائل فون، پنج هزار کان وڌيڪ نقد رقم ۽ هڪ موٽر سائيڪل هٿ آئي آهي۔ زخمي جوابدارن کي علاج لاءِ اسپتال منتقل ڪيو ويو آهي۔برآمد ٿيل هٿيار فارنزڪ لاءِ موڪليا ويا آهن، جڏهن ته جوابدارن جو ڪرمنل رڪارڊ چيڪ ڪيو پيو وڃي۔ پوليس وڌيڪ قانوني ڪارروائي جاري رکڻ جو اعلان ڪيو آهي۔