سجاول ۽ ٺٽي ۾ عوامي شڪايتن جي تڪڙي حل لاءِ کليل ڪچهريون منعقد

مقصد عوام کي سندن حقن ۽ مسئلن بابت تڪڙو رليف فراهم ڪرڻ آهي: ريجنل ڊائريڪٽر محتسب

سجاول (رپورٽر) محتسبِ اعلى سنڌ جي خاص هدايتن تي ريجنل ڊائيڪٽر ٺٽو سجاول ھارون احمد ۽ اڪائونٽ آفيسر شڪيل احمد ٻرڙو سجاول ۽ ٺٽو ضلعي ۾ عوامي شڪايتن جي تڪڙي حل لاءِ کلي ڪچهرين جو انعقاد ڪيو ويو، جنهن ۾ سرڪاري عملدارن ۽ شهرين وڏي تعداد ۾ شرڪت ڪئي.ريجنل ڊائريڪٽر ٺٽو سجاول جي سربراهي ۾ ضلعي اڪائونٽس آفيس سجاول ۾ کلي ڪچهري منعقد ڪئي ويئي جتي شهرين پنهنجي مسئلن، شڪايتن ۽ ادارن سان لاڳاپيل آرٿيڪ، پينشن ۽ بلن جي ادائيگين بابت تفصيل پيش ڪيا.ان موقعي تي ريجنل ڊائريڪٽر چيو ته محتسب اعلى سنڌ جي هدايت آهي ته عوام کي سندن حقن ۽ مسئلن بابت تڪڙي رليف فراهم ڪيو وڃي. هن وڌيڪ چيو ته کلي ڪچهري جو مقصد سرڪاري ادارن ۽ عوام جي وچ ۾ سڌي رسائي پيدا ڪرڻ، ۽ شڪايتن جو تڪڙو ازالو ڪرڻ آهي.شهرين طرفان پينشن، GP فنڊ، بل منظوري ۽ ٻين مالي معاملن بابت شڪايتون پيش ڪيون ويون، جن مان ڪيترين تي موقعे تي ئي ڪارروائي ڪئي وئي، جڏهن ته باقي شڪايتن بابت لاڳاپيل عملدارن کي هدايتون جاري ڪيون ويون.مقامي ماڻهن کلي ڪچهري جي انتظام کي ساراهيندي چيو ته اهڙا قدم عوام کي رليف فراهم ڪرڻ لاءِ انتهائي اهم آهن ۽ انهن سان ماڻهن جو سرڪاري ادارن تي اعتماد وڌي ٿو