نوشهروفيروز ۾ لائيو اسٽاڪ کاتي جي عملدارن خلاف احتجاج

ڊپٽي ڊائريڪٽر خيرپور ميرس گداحسين سولنگي چارج سنڀاليندي کي پريشان ڪري رهيو آهي

نوشهروفيروز(ڊ ر)نوشهروفيروز ۾ لائيو اسٽاڪ کاتي جي عملدارن جي ظلمن خلاف ڊاڪٽر طارق احمد ڪلهوڙو پاران پريس ڪلب پهچي احتجاج ڪندي صحافين اڳيان دانهيندي چيو آهي ته مان ريگيولر ملازم آهيان منهنجي ڊيوٽي اصل ۾ خيرپور ميرس ضلعي ۾ آهي پر سهولت وٺڻ لاءِ مان پنهنجي ضلعي ۾ رڪيسٽ طور وربل ڪم ڪري رهيو آهيان ھن چيو ته جنهن ڏينهن کان ڊپٽي ڊائريڪٽر خيرپور ميرس گداحسين سولنگي چارج سنڀالي آهي ان ڏينهن کان هو مونکي پريشان ڪري رهيو آهي ته مان واپس اچي خيرپور ۾ ڊيوٽي ڪيان جيڪو هروڀرو مختلف بهانن سان تنگ ڪري رهيو آهي هن چيو ته سڄي سنڌ اندر اسٽاڪ اسسٽنٽ ، چوڪيدار، پٽيوالا ڊاڪٽر ۽ ٻيا ملازم ويزا تي ڇڏيل آهن پر انهن ڏانهن ڪوبه عملدار ڌيان ڏيڻ لاءِ تيار ناهي نوشهروفيروز جو ڊپٽي ڊائريڪٽر لائيو اسٽاڪ رائو اڪرم راجپوت به ان جي چوڻ تي تنگ ٿو ڪري مان ڊيوٽي چور ناهيان اهڙي دانهن مون ڊائريڪٽر صاحب کي ڏني پر ان کي مليل درخواست به هن لڪائي ڇڏي آهي سڀني عملدارن جي کاتي ۾ ڳٺ جوڙ آهي جنهن سبب کاتو تباهيءَ جي ڪناري تي پهتل آهي هتي ڊيوٽي چور ۾ ويزائي ملازمن جي ضرورت آهي ڊيوٽي ڪندڙ ملازمن کي تنگ ڪيو ٿو وڃي هن چيو ته کاتي ۾ ڊپٽي ڊائريڪٽرن کي ٻه ٻه چارجون مليل آهن ميڊيسن وڪرو ڪئي پئي وڃي سالانه ٻه ڪروڙ رپين جي بجيٽ ۾ ڪرپشن ڪئي پئي وڃي پر اتي ڪو به نوٽيس نه ورتو پيو وڃي پر مان ڊيوٽي ٻئي ضلعي ۾ ٿو ڪيان ته اهو وڏو ڏوھ ٿي پيو آهي هن لائيو اسٽاڪ کاتي جي صوبائي وزير ، سيڪريٽري لائيو اسٽاڪ ڪاظم جتوئي سميت ٻين وس وارن کي اپيل ڪئي ته ڊپٽي ڊائريڪٽر لائيو اسٽاڪ خيرپور ۽ نوشهروفيروز خلاف جاچ ڪري کاتي ۾ ويزا سسٽم بند ڪرايو وڃي