ملير: ڀينس ڪالوني ۾ سالن گوليون هڻي ڀيڻيوي کي قتل ڪري ڇڏيو

سالن جي فائرنگ سبب 45 ورهين جو عبدالطيف ڪلمتي ولد پنهو ڪلمتي مارجي ويو

ملير (رپورٽ: عبدالرشيد مورجھريو) ڀينس ڪالوني ۾ سالن هٿان ڀيڻايو عبدالطيف ڪلمتي قتل ملير ڀينس ڪالوني ۾ انتهائي افسوسناڪ واقعو پيش آيو، جتي سالن جي فائرنگ سبب 45 ورهين جو عبدالطيف ڪلمتي ولد پنهو ڪلمتي مارجي ويو۔ واقعو ڀينس ڪالوني روڊ نمبر 12 رحمانيه مسجد جي ويجهو مقتول جي گهر ۾ پيش آيو۔وارثن موجب، مقتول جا سالا ديدار ڦلپوٽو ۽ طارق ڦلپوٽو گذريل رات دير سان گھر ۾ زبردستي گهُڙي آيا ۽ بنا ڪنهن سبب جي انڌا ڌنڌ فائرنگ ڪري ڏني جنهن جي نتيجي ۾ عبدالطيف ڪلمتي کي ڪيتريون ئي گولين لڳيون ۽ هو موقعي تي ئي فوت ٿي ويو۔مقتول جي والد پنهو ڪلمتي ۽ وارثن جو چوڻ آهي ته انهن جي جوابدارن سان ڪا دشمني نه هئي پر سالن گهر ۾ گهُڙي ظلم جي انتها ڪندي نوجوان کي بي رحمي سان قتل ڪري ڇڏيو ، جيڪو بدترين دهشتگردي عمل آهي۔وارثن آءِ جي سنڌ، ايس ايس پي ملير ۽ ٻين اعليٰ اختيارين کان مطالبو ڪيو آهي ته قاتلن کي فوري گرفتار ڪري متاثر خاندان کي انصاف فراهم ڪيو وڃي ٻي طرف مقتول عبدالطيف ڪلمتي جي نماز جنازه پيرانو گوٺ ڀينس ڪالوني ۾ ادا ڪئي وئي، جنهن کان پوءِ کيس مقامي قبرستان ۾ مٽي ماءُ حوالي ڪيو ويو۔