عمرڪوٽ ۾ عورت هڪ ئي وقت ٽن صحتمند ٻارن کي جنم ڏنو

ڊسٽرڪٽ هيڊ ڪوارٽر اسپتال عورت جي نارمل ڊليوري ٿي: ڊاڪٽرياڻي

عمرڪوٽ (رپورٽ:ڪانجي مل رکيسر) ڊسٽرڪٽ هيڊ ڪوارٽر اسپتال عمرڪوٽ ۾ ڳوٺ هاشم پلي جي رهواسڻ 35 ورهين جي عورت ياسمين حميد شر هڪ ئي وقت ٽن ٻارن کي جنم ڏنو آهي، جنم وٺندڙ ٻارڙن ۾ هڪ پٽ ۽ ٻه نياڻيون شامل آهن، اسپتال انتظاميه موجب ياسمين حميد شر کي گذريل ڏينهن ڊسٽرڪٽ هيڊ ڪوارٽر اسپتال عمرڪوٽ آندو ويو هو، جتي هن نارمل ڊليوري دوران ٽن ٻارن کي جنم ڏنو، اسپتال انتظاميه جو چوڻ آهي ته ماءُ ۽ ٻارڙا مجموعي طور تي صحتمند آهن، ايم ايس ڊسٽرڪٽ هيڊ ڪوارٽر اسپتال فريد احمد ھنڱورجو موجب ٽن ٻارڙن مان ٻه نياڻيون مڪمل طور صحتمند آهن، جڏهن ته پٽ جي طبيعت ڪجهه خراب هئڻ سبب کيس طبي امداد فراهم ڪئي پئي وڃي، ۽ ڊاڪٽرن موجب ٻار جي حالت هاڻي خطري کان ٻاهر آهي، اسپتال ذريعن جو وڌيڪَ چوڻ آهي ته ياسمين حميد شر جي هي پنجين ڊليوري آهي، جڏهن ته چار سال اڳ هن ساڳئي عورت ڊليوري دوران ٻن پٽن کي جنم ڏنو هو، جيڪي هن وقت مڪمل طور صحتمند آهن.