تلھار ۾ڪيلاش ڪولهي جي قاتل جي گرفتاري لاءِ ريلي ۽ ڌرڻو

سول سوسائٽي ۽ جسقم پاران ريلي ڪڍي حيدرآباد بدين بس اسٽاپ تي ڌرڻو هنيو ويو

تلھار(رپورٽر)تلھار لڳ ڳوٺ ڏاهو ڪولهي جي قتل ڪيل پورھيت ڪيلاش ڪولھي جو مک قاتل سرفراز نظاماڻي گرفتار نه ٿيڻ ۽ مقتول جي وارثن ۽ ڪولھي برادري جي ماڻھن پاران جوابدار جي گرفتاري لاء پير چوڪ بدين ۾ لڳل ڌرڻي جي حمايت ۾ تلھار ۾ سول سوسائٽي ۽ جسقم پاران شھر جي راڄوخاڻي اسٽاپ کان احتجاجي ريلي ڪڍي مين حيدرآباد بدين بس اسٽاپ تي احتجاجي مظاھرو ڪري ڌرڻو ھنيو ويو آھي ، انھي موقعي مظاھرين جسقم ضلعي صدر محفوظ نوتڪاڻي ، آصف نظاماڻي ، خالد سنڌي ، عاشق چانڊيو ۽ ٻين سخت نعريبازي ڪندي چيو ته واقعي کي اڄ پنج ڏينھن گذري ويا آھن پر سڄي ضلعي جي پوليس ھڪ قاتل کي اڃان تائين گرفتار نه پئي ڪري سگھي ، ھنن چيو ته بدين پوليس قاتل کي گرفتار ڪرڻ جي بجاء سڄي ضلعي جي پوليس پير چوڪ تي وارثن پاران لڳل ڌرڻي ۾ مڪمل تياري سان پھچي ڌرڻو ختم ڪرائڻ لاء وارثن کي ھراسان ڪرڻ جي ڪوشش پئي ڪري جيڪو انتھائي مذمت جوڳو عمل آھي ھنن چتاء ڏنو ته قاتل گرفتار ٿيڻ کان اڳ بدين پوليس ڪيلاش جي وارثن پاران لڳل ڌرڻو ختم ڪرائڻ لاء ڪا به ڪاروائي ڪئي ته سڄي سنڌ ۾ احتجاجي ڌرڻا لڳي ويندا ، ھنن آئي جي سنڌ کان مطالبو ڪيو ته فوري طور تي جوابدار سرفراز نظاماڻي کي گرفتار ڪري ناحق قتل ڪيل متقول ڪيلاش ڪولھي جي وارثن سان انصاف ڪيو وڃي.