ملير: لطيف اينڊ سنز ٽيڪسٽائيل ملز جي پورهيتن جو احتجاج جاري

مل انتظاميه پورهيتن جي بنيادي حقن کي لتاڙي رهي آهي: اڳواڻ

ملير (رپورٽ: عبدالرشيد مورجھريو) لطيف اينڊ سنز ٽيڪسٽائيل ملز جي پورهيتن واجبات جي عدم ادائيگي، بناجواز برطرفين ۽ ليبر قانونن جي ڀڃڪڙي خلاف احتجاج جاري آهي جنهن ۾ سينيئر نائب صدر غلام مصطفيٰ هاشماني، جنرل سيڪريٽري يوسف خٽڪ، نائب صدر شاهد خان ۽ جوائنٽ سيڪريٽري معشوق چانڊيو شرڪت ڪري پورهيتن سان مڪمل يڪجهتي جو اظهار ڪيو۔اڳواڻن چيو ته مل انتظاميه پورهيتن جي بنيادي حقن کي لتاڙي رهي آهي، جيڪو ملڪي توڙي بين الاقوامي ليبر قانونن جي کليل ڀڃڪڙي آهي۔ هنن مطالبو ڪيو ته برطرف ڪيل پورهيتن کي فوري طور بحال ڪيو وڃي، سمورا بقايادار واجبات ادا ڪيا وڃن، گهٽ ۾ گهٽ اجرت واري قانون تي سختي سان عملدرآمد ڪرايو وڃي ۽ پورهيتن جي EOBI توڙي سوشل سيڪيورٽي ۾ فوري رجسٽريشن ڪئي وڃي۔هنن خبردار ڪيو ته جيڪڏهن مطالبا تسليم نه ڪيا ويا ته احتجاجي تحريڪ کي وڌيڪ وسيع ڪيو ويندو ۽ هر سطح تي جدوجهد جاري رکبي