6مهينن کان گلشن جا رهواسي پئسن تي پاڻي خريد ڪرڻ تي مجبور آهن: منير ظفر خان

ميئر ڪراچي، ايم اين اي، ايم پي ۽ پي پي چيئرمين هجڻ باوجود گلشنِ حديد جا پاڻي سميت جائز مسئلا حل نه پيا ٿين

ملير (رپورٽ: عبدالرشيد مورجھريو)جماعت اسلامي ڪراچي جي امير منير ظفر خان گلشنِ حدید ۾ پرهجوم پريس ڪانفرنس ڪندي چيو آهي ته گذريل ڇهن مهينن کان علائقي جي رهواسين کي پاڻي جي فراهمي نه ٿيڻ سبب ٽينڪرن ذريعي پاڻي خريد ڪرڻ تي مجبور ڪيو پيو وڃي.پريس ڪانفرنس ۾ امير ضلع ملير سيد مفخر علي، جنرل سيڪريٽري ڪامران نواز، ۽ اڳونيامير ضلع ناظم يوسف گلشنِ حدید محمد اسلام ناظم، عزيز الرحمان، حمزہ رمضان ۽ ٻيا به موجود هئا. مقررین جو چوڻ هو ته ميئر ڪراچي، ايم اين اي، ايم پي ۽ پي پي چيئرمين هجڻ جي باوجود گلشنِ حدید ۾ پاڻي جي فراهمي اڃا تائين مسئلي جي صورت آهي.منير ظفر خان چيو ته علائقي ۾ 6 ڪروڙ روپين جي ٽن ٽن انچن واري پائپ لائين لڳائڻ سبب ٽئنڪي جو هڪ حصو به نه برجي سگهيو آهي هنن چيو ته هاڻي صوبائي حڪومت دعويٰ ڪري رهي آهي ته 16 انچ جي لائين لڳائيندي، پر پي پي جون اڪثر اسڪيمون اڌ ۾ رهيل يا ناڪام آهن. پاڻي بنيادي مسئلو آهي ۽ ان جو حل صوبائي حڪومت جي ذميواري آهي.مقررن وڌيڪ چيو ته جيڪڏهن واٽر اينڊ سيوريج بورڊ کي گلشنِ حدید ۾ پاڻي جي ذميواري ڏني وئي آهي، ته ميئر ڪراچي کي پائپ ۽ مشينون فراهم ڪري پاڻي جو مسئلو فوري طور حل ڪرڻ گهرجي. هنن تنقيد ڪندي چيو ته اسيل ملز ۾ 24 هزار لازمي نوڪريون هيون، جيڪي هاڻي 900 تائين محدود ٿي ويون آهن، ۽ پي آئي کي وڪرو ڪيو ويو آهي، جڏهن ته اسٽيل مل سميت ٻيا ادارا تباھ ٿي چڪا آهن.منير ظفر خان چيو ته حڪومت کي هوش سان ڪم وٺي ماڻهن جا بنيادي حق مهيا ڪرڻ گهرجن ۽ فوري طور پاڻي فراهم ڪرڻ گهرجي، ٻي صورت ۾ ضرورت پوڻ تي قومي شاهراهه بند ڪرڻ جو به اعلان ڪيو ويندو