نوشهروفيروز ۾ مفت موبائل ميڊيڪل سروس ڪئمپ قائم

نوشهروفيروز (ڊ ر)ڊپٽي ڪمشنر نوشهروفيروز ارسلان سليم ۽ ڊي ايڇ او غلام قادر چانڊيو جي سهڪار سان ريهيبليٽيشن ڊپارٽمينٽ سنڌ حڪومت طرفان هڪ مفت موبائل ميڊيڪل سروس ڪئمپ قائم ڪئي وئي. ميڊيڪل ڪئمپ ۾ آسپاس جي ڳوٺاڻن جو مفت طبي معائنو ڪيو ويو، مختلف طبي ٽيسٽون ڪرايون ويون ۽ مريضن کي مفت دوائون پڻ ڏنيون ويون. ميڊيڪل ڪئمپ لڳائڻ ۾ محمد يونس راجپر، عبدالقادر راجپر، غلام سرور راجپر ۽ ڳوٺ سڌار سنگت جمن راجپر جو خاص سهڪار رهيو، جڏهن ته ڪئمپ اڳواٽن جي موجودگي ۾ غريب ۽ مسڪين ماڻهن جو علاج ڪيو ويو. ڪئمپ جي اڳواڻي ايڊمن رضا حسين لنڊ ڪئي، جڏهن ته ڊاڪٽر نور محمد بروهي ۽ ڊاڪٽر خداداد جتوئي سوين مريضن جا طبي ٽيسٽ ڪرايا ۽ کين مفت دوائون فراهم ڪيون. ان موقعي تي ٻڌايو ويو ته سنڌ حڪومت طرفان هر ضلعي ۾ ميڊيڪل ڪئمپون لڳايون وڃن ٿيون، جن ۾ غريب ماڻهن جون شگر، هيپاٽائٽس بي ۽ سي، مليريا ۽ اي سي جي جون ٽيسٽون ڪري مفت دوائون ڏنيون وڃن ٿيون. ريهيبليٽيشن ڊپارٽمينٽ سنڌ حڪومت عوام کي اپيل ڪئي آهي ته غريب ۽ مسڪين ماڻهو هن سهولت مان فائدو حاصل ڪن ۽ اچي پنهنجو مفت علاج ڪرائين.