جي يو آءِ وفد جي شڪارپور ۾ قتل ٿيل گهوٽ سميت ٽن ڄڻن جي وارثن سان رستم شهر ۾ تعزيت

وفد ۾ جي يو آءِ تعلقي لکي جو سينئر نائب امير مولانا دين محمد مهر، مولانا راج محمد، سعيد انصاري ۽ ٻيا شامل هئا

شڪارپور (احسان ابڙو)جمعيت علماء اسلام تعلقه لکي جي اعلى سطحي وفد سينئر نائب امیر مولانا دين محمد مهرجي قيادت ۾ گذريل ڏينهن مهر جتوئي تڪرار ۾ فوت ٿي ويلن گهوٽ الطاف مهر۽ان جي ڀاء محمد حسن ،ٽيڪسي ڊرائيور رمضان مهر جي وارثن سان رستم شھر ۾تعزيت ڪئي آهي ،وفد ۾مولانا تاج محمد ، محترم سعيد احمد انصاري ،محترم حبيب الله منگي ،حافظ عذيرگل مهر ، قاري غلام حسين مھر ،مولانا محمد دائود ٽانوري ،مولانا عبدالحق مهر ، حبيب الله شيخ ،مولانا رحيم بخش مهر ، محترم عبدالقدیر، امان الله مهر ،عبدالقدوس کوسو، مولانا فضل الرحمان مهر ،سائين محمد مرزا منگي ۽انجنيئر عبدالحي شامل هئا ،جي يو آئي وفد تعزيت کانپوءِ ميڊيا سان ڳالهائيندي چيو ته قبائلي تڪرار سنڌ ۾ ناسور بڻجي چڪا آهن رياست کي گهرجي ته پنهنجي پوري طاقت سان قبائلي دهشتگردن کي جڙ کان ختم ڪيو وڃي ته جيئن سنڌ واسي امن ۽آشنائي سان پنهنجي زندگيءَ جو ڪارونهوار ھلائي سگهن، سڌريل دنيا ۾ معصوم ٻارڙن پوڙهن فردن ۽عورتن کي جنگ ۾ به پناه مليل هوندي آهي بدقسمتي سان سنڌ۾ نه عورت ۽نوجوان محفوظ آهي نه وري عمر رسیدہ افراد۽ معصوم ٻار محفوظ آهن ،جي يو آئي سنڌ حڪومت کان مطالبو ڪري ٿي ته پنهنجي طرز حڪمراني تبديل ڪري مڪمل طرح سان امن جو نفاذ قابل يقين بڻايو ته جئين معصوم ٻارڙا ۽نوجوان به محفوظ هجن ته عمر رسيده افراد۽ عورت به محفوظ هجي