ملير پوليس جي ايس ايس پي جي هدايت تي کوهي ڳوٺ ۽ قائدآباد ۾ منشيات جي عادي ماڻهن خلاف آپريشن

پوليس پاران 45منشيات جا عادي ماڻهو بحالي مرڪز منتقل

ملير (رپورٽ: عبدالرشيد مورجھريو) ايس ايس پي ملير ڊاڪٽر عبدالخالق پيرزادو جي هدايتن تي عمل ڪندي ٿاڻي شاهه لطيف پوليس منشيات جي عادي ماڻهن خلاف موثر ڪارروائي ڪندي ڪوهي ڳوٺ ۽ قائدآباد جي علائقن ۾ وڏو آپريشن ڪيوآپريشن دوران 45 کان وڌيڪ نشي جا عادي ماڻهو گرفتار ڪيا ويا، جن کي ابتدائي قانوني ڪارروائي مڪمل ڪرڻ بعد بحالي مرڪز ڏانهن منتقل ڪيو ويو آهي، جتي انهن جو مڪمل علاج ۽ ذهني بحالي جو عمل جاري آهي ته جيئن اهي منشيات مان نجات حاصل ڪري ٻيهر سماج جا ڪارآمد شهري بڻجي سگهن ايس ايس پي ملير ڊاڪٽر عبدالخالق پيرزادو جو چوڻ هو ته هي رڳو هڪ آپريشن نه، پر انهن ماڻهن کي ٻيهر باعزت زندگي ڏيارڻ جي هڪ عملي ڪوشش آهي جيڪي منشيات جي لعنت ۾ مبتلا آهن۔پوليس طرفان عوامي سطح تي منشيات جي نقصانن بابت آگاهي مهم پڻ جاري آهي ته جيئن نوجوان نسل کي هن ناسور کان بچائي سگهجي۔پوليس عملدارن موجب، نشو صرف هڪ فرد نه پر پوري نسل کي تباهه ڪري ڇڏي ٿو، ۽ انهيءَ سوچ تحت ملير پوليس عزم ڪيو آهي ته علائقي کي منشيات کان مڪمل طور پاڪ ڪيو ويندو۔