سيڪريٽري اطلاعات ۽ ڪاليج ايجوڪيشن سنڌ نديم الرحمان ميمڻ پاران حيدرآباد ۾ ڪاليج جو دورو

سنڌ حڪومت تعليم جي شعبي ۾ بهتري لاءِ جٽادار قدم کڻي رهي آهي: نديم الرحمان ميمڻ

حيدرآباد (بيورو)سيڪريٽري اطلاعات ۽ ڪاليج ايجوڪيشن سنڌ نديم الرحمان ميمڻ نذرت ڪاليج حيدرآباد جو دورو ڪيو جتي هن نئين شروع ٿيندڙ بي ايس انگلش لٽريچر پروگرام جي نئين سيڪشن جو افتتاح ڪيو _ سيڪريٽري ڪاليج ايجوڪيشن سنڌ نديم الرحمان ميمڻ انگلش ، ڪيمسٽري، بائيولاجي ، فزڪس ليبس، لائبريري ۽ ڪلاس رومز جو معائنو ڪري استادن ۽ شاگردن سان ملاقات ڪئي ۽ نتظاميا جي ڪارڪردگي کي ساراهيو _ هن علامه اقبال ڊي جي مناسبت سان منعقد ڪيل تقريب ۾ شرڪت ڪئي جتي هن پنهنجي خطاب ۾ چيو ته سال 2022 جي ٻوڏ سبب تعليمي ادارن جي انفرااسٽرڪچرکي ڪافي نقصان پهتو تنهن هوندي به سنڌ حڪومت تعليم جي شعبي ۾ بهتري لاءِ جٽادار قدم کڻي رهي آهي_ هن چيو ته استادن جي کوٽ کي ختم ڪئي ويندي ۽ ڪاليجن درميان ويجهي رابطي کي پڻ لاڀائتو بڻايو ويندو _ هن شاگردن کي نصيحت ڪئي ته اهي محنت ۽ دلچسپي سان تعليم حاصل ڪن ڇاڪاڻ ته اسين انفارميشن ٽيڪنالاجي ۽ مصنوعي ذهانت جي دور ۾ داخل ٿي چڪا آهيون- هن چيو ته تاريخ ۽ عظيم شخصيتن جي مطالعي سان شاگردن کي پنهنجي سڃاڻپ مضبوط بڻائڻ گهرجي _ سيڪريٽري ڪاليج ايجوڪيشن وڌيڪ چيو ته سنڌ حڪومت جي اولين ترجيحي تعليم جي معيار ۽ سهولتن ۾ بهتري آڻڻ آهي جڏهن ته ڪاليجن ۾ جديد مضمونن ، آئي ٽي ۽ سائنسي علوم کي فروغ ڏنو پيو وڃي ته جيئن شاگرد مستقبل جي چيلينجن کي مقابلو ڪري سگهن _ هن چيو ته استادن جي کوٽ، پگهارن جي مسئلن ۽ تعليمي ڍانچي ۾ بهتري لاءِ عملي قدم کڻي رهيا آهيون _ ان موقعي تي شاگردن علامه اقبال شاعر مشرق جي شاعري تي خوبصورت ٽيبلوز پيش ڪيا _ پرنسپال پروفيسر ڊاڪٽر سعيده پروين ميمڻ پنهنجي خطاب ۾ ڪاليج جي تاريخ ، نئين پروگرام ، تعليمي سرگرمين ۽ ڪاميابين تي روشني وڌي هن ٻڌايو ته بي ايس انگلش پروگرام ۾ 60 شاگردن داخلا وٺي چڪا آهن جڏهن ته ڪاليج ۾ 23 کاتن ، 104 استادن کان علاوه 3000 شاگردن زير تعليم آهن _ نذرت ڪاليج جي شاگردن جي حاليه تعليمي بورڊ حيدرآباد جي امتحانن ۾ نمايان پوزيشن حاصل ڪري ڪاليج جو نالو روشن ڪيو آهي _ڊاڪتر سعيده پروين ٻڌايو ته نذرت ڪاليج ايندڙ سال پنهنجي پلاٽينيم جوبلي ملهائيندي _ هن چيو ته فزڪس ، اردو ۽ جغرافيه ۾ استادن جي کوٽ جي سيڪريٽري کي نشاندهي ڪرائي آهي _ ان موقعي تي پرنسپال نذرت ڪاليج پروفيسر ڊاڪٽر سعيده پروين ميمڻ ، ڊائريڪٽر جنرل ڪاليج ايجوڪيشن ڊاڪٽر نويد الرب صديقي ، ريجنل ڊائريڪٽر ڪاليج ايجوڪيشن مصطفيٰ ڪمال پٺاڻ ،ريجنل ڊائريڪٽر اطلاعات حيدرآباد شهزاد شيخ سميت ٻين عملدار پڻ موجود هئا _ تقريب جي پڄاڻي تي سيڪريٽري نديم الرحمان ميمڻ کي ڪاليج انتظاميا پاران سووينيئرز پيش ڪيا ويا جڏهن ته هن استادن ۽ نمايان پوزيشن حاصل ڪندڙن شآگردن ۾ شيلڊز ورهايا.