مٺي ۾ انٽرنيشنل ٽريڊ سينٽر ۽ گراسپ پروجيڪٽ جي تعاون سان فيسٽيول منعقد

فيسٽيول ايگري بزنس اينڊ لنڪيـج بلڊنگ فیسٽيول سدا بهار سوشَل انٽرپرائز جي ميزباني هيٺ ٿيو

مٺي (رپورٽر) مٺي ۾ ايگري بزنس اينڊ لنڪيـج بلڊنگ فیسٽيول سدا بهار سوشَل انٽرپرائز جي ميزباني هيٺ، انٽرنيشنل ٽريڊ سينٽر ۽ گراسپ پروجيڪٽ جي تعاون سان منعقد ڪيو ويو.اسسٽنٽ ڪمشنر ننگرپارڪر ارم ڪريم ناريجو فیسٽيول جو افتتاح ڪيو ۽ مختلف اسٽالن جو جائزو ورتو جن ۾ زرعي شيون، لائيو اسٽاڪ جون شيون، ٻج، هٿ سان تيار ڪيل دستڪاري، روايتي کاڌا ۽ مڪاني شيون شامل هيون۔تقريب ۾ شهنـاز ڪپاديا، ڪريمڏنو دل، نور محمد دل، سليم سميجو، ڊاڪٽر بشير، رياض احمد راڄڙ، مشتاق عمراڻي، امير بخش عباسي، ڪاشف صديقي، ڊاڪٽر واسديو چنداڻي، امتياز احمد، شبانه، عمران بگھيو ۽ رياض احمد شيخ سميت ٻين شرڪت ڪئي۔ان موقعي تي سنڌ جي مختلف سوشَل انٽرپرائز پليٽفارمن جي نمائندن محمد اسحاق، عبدالرازق ابڙو، جهان خان لغاري ۽ عابده پروين پنهنجا تجربا شيئر ڪيا ۽ پيداوار ڪندڙن ۽ مارڪيٽن جي وچ ۾ لاڳاپا مضبوط ڪرڻ بابت ڳالهه ٻولهه ڪئي۔آرگنائيزرن جو چوڻ هو ته فیسٽيول جو مقصد مقامي هارين ۽ ڪاروبارين کي مارڪيٽ تائين رسائي، ڪاروباري لاڳاپن جا موقعا ۽ ٽيڪنيڪل رهنمائي فراهم ڪرڻ آھي۔ اهڙا پروگرام پائيدار زراعت جي فروغ، روزگار جي بهتري ۽ ٿرپارڪر جي زرعي ۽ مال پالڻ واري شعبي ۾ جدت آڻڻ ۾ اهم ڪردار ادا ڪن ٿا۔تقريب جي پڄاڻي تي منتظمين، شرڪت ڪندڙن ۽ رضاڪارن کي سندن خدمتن جي ساراهه ۾ تعريفي سرٽيفڪيٽ پيش ڪيا ويا۔