ٺٽو پوليس جي ڪارروائي۔دڪان مان ڌاڙو هڻندڙ ٻن ڏوهارين کي گرفتار ڪرڻ جي دعويٰ

رحيم نوهڙيو جي دڪان مان ڌاڙو هڻندڙ جوابدارن شهمير ميمڻ ۽ امام بخش خاصخيلي کي گرفتار ڪري ورتو آهي: پوليس

ٺٽو(ڊ ر)ٺٽو پوليس جي ڪامياب ۽ دبنگ ڪارروائي۔ڪجهھ ڏينهن اڳ رحيم نوهڙيو جي ڊبل AA انٽرپرائز ايجنسي مان ٿيل ڪيش ڦرلٽ واري واردات ۾ ملوث ٻه مرڪزي جوابدار گرفتار، جوابدارن وٽان 50 هزار رپيا نقد رقم ۽ ٻه موبائل فون به هٿ ڪري ورتا ويا، جڏهن⁠ ته ڪيس داخل ڪيو ويو آهي۔تفصيل موجب مورخه 22 آڪٽوبر 2025ع تي ڏينهن جو ٻن نامعلوم هٿياربندن ٺٽو جي شيرا زي محلي ۾ رحيم نوهڙيو جي ڊبل AA انٽرپرائز ايجنسي مان هٿيارن جي زور تي 1 لک 90 هزار رپيا نقد رقم ۽ ٻه موبائل فون ڦر ڪري، پنهنجي ٻن ساٿين سان گڏ ٻن 125 موٽر سائيڪلن تي فرار ٿي ويا هئا۔ ان واقعي جو ڪيس نمبر 364/2025، سيڪشن 392، 397، 34 تعزيراتِ پاڪستان تحت متاثره جي ڀاءُ محمد امجد ولد عبدالستار نوهڙيو جي مدعيت ۾ ٿاڻي ٺٽو تي داخل ڪيو ويو۔ايس ايس پي ٺٽو فاروق احمد بجاراني واقعي جو نوٽيس وٺندي، سينيئر آفيسرن تي ٻڌل جاچ ٽيم جوڙي، جنهن ۾ ڊي ايس پي وحيد بيگ لاڙڪ (ايس ڊي پي او ٺٽو)، ايس ايڇ او ماجد علي ڪورائي، ٽيڪنيڪل ٽيم انچارج ڊي آءِ سي انسپيڪٽر فيصل شفيع ميمن، انچارج 15 مددگار بيس ٺٽو سب انسپيڪٽر راجا ظفر راجپوت، ۽ پوليس پوسٽ بگھاڙ موري جو ايس آءِ شاھ رخ کنڀاٽي شامل هئا۔جاچ دوران ٽيم محنت ۽ لگن سان ڪيس ٽريس ڪندي سولنگي سروس ڀرسان ڪامياب ڪارروائي ڪري ٻن مرڪزي جوابدارن شمير ولد محمد شريف ميمن ۽ امام بخش ولد عرس خاصخيلي کي گرفتار ڪري ورتو۔ابتدائي جاچ ۾ جوابدارن وٽان 50 هزار رپيا نقد رقم ۽ ٻه موبائل فون هٿ ڪيا ويا آهن، جڏهن⁠ته جوابدارن دورانِ جاچ انڪشاف ڪيو آهي ته هو ٺٽو، بدين، ملير ۽ ٻين ضلعن ۾ به ڦرلٽ ۽ ڏوهن جي ڪيترين ئي وارداتن ۾ ملوث رهيا آهن، جن جو ڪرمنل رڪارڊ طلب ڪيو ويو آهي۔پوليس جوابدارن جو ريمانڊ حاصل ڪري وڌيڪ جاچ جاري رکي آهي، جڏهن⁠ ته سندن ٻين ساٿين جي گرفتاري لاءِ ڇاپا جاري آهن۔ايس ايس پي ٺٽو پاران ڪيش ڦرلٽ جي ڪيس ۾ بهترين ڪارڪردگي ڏيکارڻ تي سموري ٽيم کي شاباش ۽ تعريفي سرٽيفڪيٽس ڏيڻ جو اعلان ڪيو ويو۔