ملير: گلشن حديد ۽ اسٽيل ٽائون کي پاڻي جي فراهمي بند، رهواسي سراپا احتجاج

پاڻي جي بندش خلاف سوين اسڪولي ٻارڙا روڊن تي نڪري آيا، سياسي سماجي ڌرين ۽ شهرين جي به شرڪت

ملير (رپورٽ: عبدالرشيد مورجھريو)گلشن حديد ۽ اسٽيل ٽائون ۾ چئن مهينن کان پيئڻ جي پاڻيءَ جي بندش خلاف سوين اسڪولي ٻارن روڊن تي نڪري احتجاجي مارچ ڪندي ڌرڻو هنيو هنن سان علائقي جا سياسي سماجي اڳواڻ عمیر شاھد، سید جاوید علی شاہ، اسلم منگی ۽ ایڊوڪيٽ محبوب محمد کوسو به گڏ هئا احتجاج دوران شاگردن پاران پاڻي ڏيو، پاڻي ڏيوگلشن حديد بڻجي ويئي ڪربلا جا اُڀ ڏاريندڙ نعرا هنيا ويا جنهن سبب علائقي جو ماحول جذباتي بڻجي ويو۔ شاگردن جو چوڻ هو ته اسٽيل مل انتظاميا گذريل چار مهينن کان گلشن حديد ۽ اسٽيل ٽائون کي پاڻيءَ جي فراهمي بند ڪري ڇڏي آهي، جنهن ڪري اسڪولن، گهرن، مسجدن ۽ مارڪيٽن ۾ پاڻي ناياب ٿي ويو آهي احتجاج ڪندڙن مطابق پاڻي جي کوٽ سبب تعليمي سرگرميون متاثر ٿي رهيون آهن ۽ شاگرد روزانو وڏي ڏکيائيءَ کي منهن ڏئي رهيا آهن۔ شاگردن اهو به ٻڌايو ته گذريل هڪ سال کان اسٽيل ٽائون ۾ گيس جي فراهمي پڻ بند آهي، جنهن ڪري علائقو بنيادي سهولتن کان محروم ٿي ويو آهي۔احتجاج ڪندڙ شاگردن اسٽيل مل انتظاميا، صوبائي ۽ وفاقي حڪومت کي فوري طور مسئلو حل ڪرڻ جي اپيل ڪئي، چتاءُ ڏيندي چيو ته جيڪڏهن پيئڻ جي پاڻيءَ جو بحران ختم نه ڪيو ويو ته جلد ئي هزارين شاگرد قومي شاهراهه تي ڌرڻو هڻندا۔شاگردن جو وڌيڪ چوڻ هو ته اهي تعليم سان گڏ پنهنجي بنيادي حقن لاءِ به جدوجهد جاري رکندا، جيستائين علائقي ۾ پاڻي ۽ گيس جي فراهمي بحال نه ڪئي ويندي۔