موهن جو دڙو ۾ به ثقافتي رنگ نکري پيا، قديمي ماڳ تي هزارين ماڻهن جي آمد

ايڪتا ڏهاڙي تي عورتن ۽ ٻارڙن سميت هزارين ماڻهن جي موهن جي دڙو تي آمد

ڏوڪري (اطهر ميمڻ) ڏوڪري سڄي سنڌ سميت موهن جو دڙو ۾ ثقافتي ڏھاڙو جوش جزبي سان ملهايو ويو ثقافتي ڏهاڙي تي سنڌ جي عظيم ماڳ موهن جو دڙو تي سنڌ جا هزارين عاشق پهچي عظيم تهذيب کي ڀيٽا پيش ڪئي ۽ قومي گيتن تي رقص ڪري جهمريون هنيون،هرطرف اجرڪ جي ڦلڙين ۽ ٽوپين جي ڪاون جا تجلا نظر آيا جڏھن ته سڄي سنڌ جيان ثقافتي ڏهاڙي جي موقعي تي موهن جو دڙو ۾ به عوام ڀرپور موٽ ڏني ۽ ثقافتي ڏهاڙو وڏي جوش ۽ جذبي سان ملهايو ويو ۽ هر طرف ثقافت جا رنگ نظر آيا،مختلف شھرن کان هڪ سئو 100 کان وڌيڪ ريليون ڪڍيون ويون ۽ قومي گيتن تي جهمريون هنيون ويون،جڏھن ته سنڌ جي مختلف شهرن لاڙڪاڻي،دادو، خيرپور، ڪراچي ڪشمور، جيڪب آباد، قمبر شھدادڪوٽ، شڪارپور سکر، گهوٽڪي، حيدرآباد، بدين، ٽنڊوالهيار، ميرپورخاص، عمرڪوٽ، ڏوڪري، موهن جو دڙو ۽ ٻين شهرن مان سنڌ جا هزارين عاشق وڏي تعداد ۾ موهن جي دڙي تي پهتا،جڏھن ته آيل ماڻهن ۾ عورتون مرد ۽ ٻارڙا شامل هيا جڏھن ته ريلي ۾ شرڪت ڪندڙ ماڻهن جي ڪلهن تي اجرڪ اوڍيل ۽ ٽوپيون پاتل هيون ريلي ۾ ٻارڙن به وڏي انگ ۾ شرڪت ڪئي جن کي ثقافتي ويس وڳا پهريل هئا،قومي گيتن تي رقص ڪيو ويو،جيئي سنڌ جيئي سنڌ وارا، جيئن سنڌي ٽوپي اجرڪ وارا، جيئن سهڻا دنيا ۾ ٻيا به هزار سنڌي ماڻهو پڌرا لکن ۾ جا گيت گونجندا رهيا ان موقعي تي سنڌ جي مختلف ضلعن کان آيل ماڻھن ميڊيا سان ڳالهائيندي چيو ته سنڌي ميڊيا جس لهڻي جنهن سڄي قوم کي ثقافت جي رنگ ۾ رنگي ڇڏيو آهي.هنن وڌيڪ چيو ته اسان خوش نصيب آهيون جو هزارين سالن جي تهذيب ۽ ثقافت جا وارث آهيون جنهن جو مثال موهن جو دڙو آهي هنن چيو ته اسان کي پنهنجي ثقافت تي ناز آهي هتي اچي ڪري تمام گهڻو مزو آيو آهي اسان پنهنجي تهذيبي ۽ ثقافتي اهڃاڻ موهن جو دڙو کي سلامي پيش ڪرڻ لاءِ هتي آيا آهيون.ان موقعي تي صحافي عبدالحق پيرزادو محمد علي راڄپر عبدالجبار ميمڻ ربنواز کوسو جي ايم جهتيال منظور ميراڻي مقبول ڪانڌڙو عبدالوحيد ڳاهو ارشاد کوکر محمد صفر جوڻيجو عامر علي ڏيرو رياض سومرو عدنان سميع راڄپر جنيد راڄپر جواد راڄپر ۽ ٻيا وڏي انگ ۾ ماڻھون ماڳ تي پهتا.