پاڪستان پيپلز پارٽي تعلقي ليڊيز ونگ جو امينا احسان ڀٽي جي صدارت ۾ اجلاس

شھيدِ بينظير ڀٽو جي ورسي تي تاريخي شرڪت کي يقيني بڻايو ويندو: اجلاس ۾ فيصلو

ٺٽو (ڊ ر)شھيدِ جمھوریت محترمه بينظير ڀٽو جي 27 ڊسمبر واري ورسي جي حوالي سان پاڪستان پيپلز پارٽي ليڊيز ونگ ضلعي ٺٽي جي صدر رخسانه شاهه جي هدايت تي تعلقي ٺٽي جي ليڊيز ونگ جو اهم اجلاس ڀٽي هائوس ٺٽو ۾ منعقد ڪيو ويو. اجلاس جي صدارت تعلقي صدر امينه احسان ڀٽي ڪئي، جنهن ۾ تعلقه جي سمورين يوسين جي عورت صدرن، ليڊي اڳواڻن ۽ ڪارڪنن وڏي انگ ۾ شرڪت ڪئي. اجلاس ۾ فيصلو ڪيو ويو ته شھيدِ جمھوریت محترمه بينظير ڀٽو جي ورسي تي هن سال اهڙي تاريخي شرڪت کي يقيني بڻايو ويندو، جيڪا سالن تائين ياد رکي ويندي.ان موقعي تي صحافين سان ڳالهائيندي تعلقي صدر امينه احسان ڀٽي چيو ته.بينظير ڀٽو رڳو هڪ سياسي اڳواڻ نه هئي، هوءَ عورتن جو آواز ھئي ، ڪروڙين عوام جون اميدون ھن سان وابسته ھيون ۽ ھوءَ جمهوريت جو استعارو هئي.هن وڌيڪ چيو ته ، ٺٽي تعلقي جون هزارين جيالیون ۽ پيپلزپارٽي سان محبت رکندڙ عورتون ڳڙهي خدا بخش پهچي شھيدِ جمھوریت کي خراج عقيدت پيش ڪنديون. اهو ڏينهن اسانجي جذبي، پارٽي سان وابستگي ۽ جمھوري جدوجهد جي تجديد جو ڏينهن آهي.امينه احسان ڀٽي چيو ته،بينظير ڀٽو جي قرباني پاڪستان ۾ جمھوري سوچ کي نئين طاقت ۽ نئون حوصلو ڏنو. اڄ به سندس فڪر ۽ سندس ڏنل رستو اسان لاءِ مشعلِ راهه آهي ۽ ٺٽي جي هر جيالي پاڻ کي هن ورثي جو آمين سمجھي ٿي.