نوشهروفيروز نيشنل پريس ڪلب تي مبينا حملو، صحافين جو احتجاجي مظاهرو

گذريل رات هٿياربندن نيشنل پريس ڪلب تي حملو ڪيو، چوڪيدار فرحاد معجزاڻي طور محفوظ رهيو: صحافي

نوشهروفيروز (ڊ ر) نوشهروفيروز ۾ رات دير سان نامعلوم هٿياربندن پاران نيشنل پريس ڪلب نوشهروفيروز تي حملو فائرنگ پريس ڪلب ۾ ستل چوڪيدار فرحاد معجزاڻي طور تي بچي ويو،هٿياربند فائرنگ ڪندا فرار واقعي جو ٻڌي صحافي نيشنل پريس ڪلب پهچي ويا ٻئي طرف ايس ايڇ او راجا نويد سرفراز ، ڊي ايس پي سردار چانڊيو کانپوءِ ايس ايس پي نوشھروفيروز روحل خان کوسو به پهتو جتي هن ميڊيا سان ڳالهائيندي چيو آهي ته نيشنل پريس ڪلب تي حملو ڪندڙ حملي آورن کي جلد گرفتار ڪيو ويندو انويسٽيگيشن ڪري معلوم ڪنداسين ته حملو ڇو ۽ ڇا لاءِ ڪيو ويو ايس ايس پي روحل خان کوسو قلم ڌڻين کي يقين ڏياريندي چيو ته صحافين سميت هر ماڻهوءَ کي تحفظ فراهم ڪرڻ پوليس جو فرض آهي جيڪو اسان هر صورت ۾ ڪنداسين جنهن بعد صحافين پاران ايس ايس پي کي ٽن ڏينهن جي مهلت ڏيندي ايس ايس پي آفيس آڏو اعلانيل ڌرڻو ملتوي ڪري ڇڏيو آهي هوڏانهن نيشنل پريس ڪلب تي حملي خلاف مختلف شهرن کان آيل صحافين پاران پريس ڪلب آڏو احتجاجي مظاهرو ڪيو جن جي اڳواڻي نيشنل پريس ڪلب جو صدر ايم ظفر تڳر ، پريس ڪلب جو صدر محمد يونس راڄپر ، سيڪريٽري علي نواز سولنگي ، مولابخش مشوري، محبوب ڪلهوڙو ۽ ٻيا ڪري رهيا هئا جن نعريبازي به ڪئي ان موقعي تي اڳواڻن چيو ته سنڌ اندر صحافين کي هڪ گهري سازش تحت نشانو بڻايو پيو وڃي جيڪو عمل خطرناڪ بڻجي رهيو آهي پر پوليس جو ڪردار مشقوڪ بڻيل آهي هنن چيو ته نيشنل پريس ڪلب تي حملو فائرنگ ڪري صحافين کي حق سچ جي راهه تي هلڻ کان روڪڻ جي ناڪام ڪوشش ڪئي وئي آهي جنهن عمل جي سخت لفظن مذمت ڪجي هنن مطالبو ڪيو ته جلد کان جلد حملي آورن کي گرفتار ڪري صحافين کي تحفظ فراهم ڪيو وڃي ٻي صورت ۾ ٽن ڏينهن بعد احتجاج جو دائرو وڌايو ويندو