ملير: گلشن حديد ۾ ثقافتي کاڌن جي منفرد تقريب، ميوزيڪل پروگرام به منعقد

سماجي تنظيم منهنجا مارو ملير جا جي ميزباني ۾ محفل موسيقي سان گڏ ثقافتي کاڌن جي تقريب به منعقد

ملير (رپورٽ: عبدالرشيد مورجھريو) سماجي تنظيم منهنجا مارو ملير جا جي ميزباني ۾ گلشن حدید ۾ ثقافتي کاڌن جي منفرد تقريب ۽ شاندار ميوزيڪل پروگرام منقعد ڪيو ويو جنهن ۾ سياسي، سماجي، علمي، ادبي اڳواڻن سميت صحافين ۽ علائقي واسين وڏي تعداد ۾ شرڪت ڪئي. شرڪت ڪندڙن پُر جوش انداز ۾ سنڌي ثقافتي ويس وڳا پائي پنهنجي ثقافت ۽ ڌرتي سان محبت جو اظهار ڪيو تقريب ۾ تنظيم جي صدر عرفان عباسي، نائب صدر بخشل سيال، جنرل سيڪريٽري سيد شبير احمد شاهه، گڏاپ ٽائون جي پارليماني ليڊر مير عباس ٽالپر، پيپلز پارٽي اڳواڻ آغا طارق پٺاڻ، قومي شاعر سيد غفور شاهه، تقوي عوامي پريس ڪلب ملير جي صدر جمشيد زهراڻي، جنرل سيڪريٽري سيد عنايت شاهه ۽ ٻين معزز مهمانن شرڪت ڪئي ان موقعي تي خطاب ڪندي عرفان عباسي ۽ ٻين اڳواڻن چيو ته سنڌ جي ثقافت محبت، امن، ڀائچاري ۽ مهمان نوازي جو پيغام ڏئي ٿي. هنن چيو ته اهڙن پروگرامن جو مقصد نوجوانن ۾ پنهنجي روايتن ۽ ورثي جي سڃاڻپ کي اجاگر ڪرڻ آهي. اڳواڻن وڌيڪ چيو ته ملير سنڌي ثقافتي رنگن سان مالا مال علائقو آهي جتي ماڻهو هميشه گڏجي خوشيون ونڊيندا آهن.پروگرام ۾ مھمانن کي روايتي سنڌي کاڌا پيش ڪيا ويا تقريب جي آخر ۾ قومي راڳي عبدالخالق ڀٽي قومي گيتن پيش ڪري تقريب کي چار چند لڳائي ڇڏيا