گهارو واسي سماجي اڳواڻ جا بي آءِ ايس پي آفيس جي عملي تي ڪرپشن جا الزام

بي آءِ ايس پي آفيس گھارو ۾ سِم ايڪٽيويشن ۽ تصديق جي نالي تي ڪرپشن ڪئي پئي وڃي: محمد اشرف ملاح

ٺٽو(ڊر) گھارو جي رھواسي سياسي، سماجي ملاح اڳواڻ محمد اشرف ملاح صحافين سان ڳالھائيندي الزام ھڻندي انڪشاف ڪندي چيو آھي تہ گھارو جي BISP آفيس ۾ سِم ايڪٽيويشن ۽ تصديق جي نالي تي منظم ڪرپشن وڌي وئي آهي، جتي امام بخش ابڙو ۽ سندس ٽيم ۾ شامل سڪندر پليجو ۽ انور سومرو مبينا طور رشوت وٺي NIC سڌو اندر کڻي ڪم فوري طور ڪرائي ڇڏين ٿا۔جڏهن ته غريب، لاچار عورتون، بزرگ ۽ حقدار شهري جيڪي رڳو ذلت برداشت ڪري خالي هٿ موٽي وڃن ٿا، جيڪا ساڻن وڏي ناانصافي اھي، علائقي جي معزز اشرف ملاح چيو تہ متاثر ماڻھن جي دانھن تي جڏهن آفيس جو دورو ڪيو ته اتي امام بخش ابڙو مون سان بحث ڪرڻ بدران مون سان بدتميزي ڪري مونکي ڪوڙن ڪيس ۾ ڦاسائڻ جو ڌمڪيون ڏنيون آھن، ھن چيو تہ ھتي ڪوبہ ڪم رشوت کانسواء نٿو ٿئي، جتي ٻيھر بہ FIA ڪيس ۾ ملوث آفيسر کي مقرر ڪيو ويو آھي، جن جو ايندڙ ماڻھن سان رويو بہ بھتر ناھي، ھن DD بسپ ٺٽو، ڊي سي ٺٽو، FIA حيدرآباد کان مطالبو ڪيو تہ فورن نوٽيس وٺي ذميوار آفيسر امام بخش ابڙو ۽ سندس ٽيم خلاف سخت ڪارروائي ڪئي وڃي ته جيئن غريب ۽ بي سهارا ماڻهن جا جائز ڪم بنا رشوت ۽ بنا ذلت جي حل ٿي سگهن.