ملير ۾ سنڌ سماجي سٿ جي عهديدارن جي حلف برداري تقريب

عوامي پريس ڪلب ۾ منعقد تقريب ۾ ادبي، سماجي، ثقافتي ۽ رفاهي تنظيمن سان واسطو رکندڙ شخصيتن جي شرڪت

ملير (رپورٽ: عبدالرشيد مورجھريو) سنڌ سماجي سٿ جي عهديدارن جي حلف برداري جي تقريب عوامي پريس ڪلب ملير ۾ شاندار انداز سان منعقد ٿي، جنهن ۾ ادبي، سماجي، ثقافتي ۽ رفاهي تنظيمن سان واسطو رکندڙ شخصيتن وڏي تعداد ۾ شرڪت ڪئي. شرڪت ڪندڙن جي موجودگي نه صرف تقريب جي رونق وڌائي، پر هن اجتماع جي اهميت ۽ وقار ۾ پڻ نمايان اضافو آندو.تقريب ۾ نون چونڊيل عهديدارن کان حلف ورتو ويو، جڏهن⁠ ته تنظيم جي مستقبل، ڪارڪردگي ۽ سماجي خدمتن کي وڌيڪ مستحڪم بڻائڻ لاءِ مختلف تجويزون پيش ڪيون ويون. مقررن پنهنجي خطاب ۾ چيو ته سنڌ سماجي سٿ هڪ غير سياسي پليٽ فارم طور سماجي بهتري، علمي سرگرمين، نوجوانن جي رهنمائي ۽ ثقافتي ورثي جي تحفظ لاءِ مثبت ڪردار ادا ڪري رهي آهي. هنن زور ڏنو ته معاشري ۾ وڌندڙ مسئلن، جهالت، بي راہ روى، منفي رُويّن ۽ ادبي بي حسي کي ختم ڪرڻ لاءِ گڏيل جدوجهد وقت جو اهم تقاضو آهي.هنن وڌيڪ چيو ته اهڙيون تقريبون نه صرف تنظيمي ورڪرن لاءِ حوصلو افزائي جو سبب بڻجن ٿيون، پر سماجي اتحاد، ڀائيچاري ۽ فڪر کي به هٿي وٺرائن ٿيون. سنڌ سماجي سٿ جا سرگرم فرد مختلف شعبن ۾ سماجي خدمت، تعليم، نوجوانن جي تربيت ۽ سماجي بيداري جي تحريڪ کي اڳتي وڌائڻ لاءِ پرعزم آهن.شرڪت ڪندڙن اميد ظاهر ڪئي ته نئين قيادت پنهنجي ذميوارين کي ايمانداريءَ سان نڀائيندي ۽ سنڌ جي ادبي، سماجي ۽ ثقافتي ترقيءَ لاءِ موثر قدم کڻندي. تقريب جي آخر ۾ معزز مهمانن ۽ عهديدارن کي شيلڊز پڻ پيش ڪيون ويون، جڏهن⁠ ته حال ۾ “سندس سماج، اسان جي ذميواري” جو نعرو گونجندو رهيو۔