نوشهروفيروز جي چلڊرين پارڪ ۾ پ پ جي يوم تاسيس جو جلسو منعقد، هزارين جيالا شريڪ

پ پ ايم اين ايز ذوالفقار علي بھڻ، سيد ابرار علي شاھ، ايم پي اي سيد حسن علي شاھ ، سھيل اختر عباسي ۽ ٻيا شريڪ

نوشھروفيروز(ڊ ر) پاڪستان پيپلز پارٽي جو يومِ تاسيس 58ھون وڏي جوش ۽ جذبي سان ملهايو ويو۔ پاڪستان پيپلز پارٽي جي يومِ تأسيس جي سلسلي ۾ چلڊرين پارڪ ۾ پروگرام رکيو ويو ۔ ان پروگرام پاڪستان پيپلز پارٽي جي ڪارڪنن وڏي تعداد ۾ شرڪت ڪندي پارٽي جي شهيدن کي ڀيٽا پيش ڪئي ان موقعي تي پاڪستان پيپلز پارٽي جي ايم اين اي ذوالفقار علي بھڻ ، ايم اين اي سيد ابرار علي شاھ ، ايم پي اي سيد حسن علي شاھ ، ضلعي چيئرمين سھيل اختر عباسي ، جنرل سيڪريٽري پاڪستان پيپلز پارٽي مسرور احمد راڄپر ، چيئرمين ميونسپل ڪاميٽي نوشهروفيروز ڊاڪٽر ڪاشف مصطفي ميمڻ, ميونسپل ڪاميٽي مورو ڪاميٽي نظير احمد ميمڻ ۽ ٻين پاڪستان پيپلز پارٽي جي اڳواڻن شرڪت ڪئي . ان موقعي تي پاڪستان پيپلزپارٽي جي اڳواڻن خطاب ڪندي چيو ته ذوالفقار علي ڀٽو عوام کي شعور ڏنو ۽ آئين ڏنو ان کان علاوه ايٽمي طاقت ڏني ھن وقت پاڪستان ۾ واحد پارٽي پاڪستان پيپلز پارٽي آھي جيڪا پاڪستان جي عوام پنھنجا حق ڏيارڻ ۾ ڪوششون ڪري رھي آھي اسان جو ملڪ خوشحال ۽ ترقي ڏانھن گامزن آھي ان وقت پاڪستان پيپلز پارٽي ڪارڪنن جي وڏي انگ ۾ شرڪت ڪئي پيپلز پارٽي جي جدوجهد، جمهوريت ۽ شهيدن جي مشن کي جاري رکڻ جو وچن ڪيو.