پاڪستان پيپلز پارٽي سٽي عمرڪوٽ جي يومِ تاسيس جي حوالي سان گڏجاڻي

پ پ سٽي صدر عبدالله کوسو جي صدارت هيٺ کوسا هائوس عمرڪوٽ ۾ گڏجاڻي منعقد ڪئي وئي

عمرڪوٽ (رپورٽ:ڪانجي مل رکيسر) پاڪستان پيپلز پارٽي سٽي عمرڪوٽ پاران يومِ تاسيس جي سلسلي ۾ سٽي صدر عبدالله کوسو جي صدارت هيٺ کوسا هائوس عمرڪوٽ ۾ هڪ اهم گڏجاڻي منعقد ڪئي وئي، اجلاس ۾ فيصلو ڪيو ويو ته يومِ تاسيس جي جلسي عام کي تاريخي بڻائڻ لاءِ وڌ کان وڌ ماڻهن جي شرڪت يقيني بڻائي ويندي، جنهن لاءِ مختلف برادرين، وارڊن ۽ علائقن ۾ وسيع رابطا مهم هلائي ويندي، اجلاس ۾ خطاب ڪندي سٽي صدر عبدالله کوسو ۽ ٻين عهديدارن چيو ته پيپلز پارٽي عوام جي آواز ۽ اميدن جي علامت آهي، تنهن ڪري يومِ تاسيس واري پروگرام ۾ ڀرپور شموليت ذميواري ۽ محبت ٻنهي جي علامت آهي، هنن چيو ته هر ورڪر پنهنجي وارڊ، برادري ۽ پاڙي ۾ وڃي عوام کي وڏي انگ ۾ جلسي ۾ شرڪت لاءِ تيار ڪري، اجلاس ۾ مهمانِ خاص طور سينيئر نائب صدر برهان الدين ڪنڀر ۽ انفارميشن سيڪريٽري گھنشام بجير شرڪت ڪئي، جڏهن ته اجلاس ۾ چيتن گوئل جنرل سيڪريٽري، شوڏان سينيئر نائب صدر، موتيرام ميگھاڻي انفارميشن سيڪريٽري، سومار ٻٻر نائب صدر، ساجد ڪنڀر نائب صدر، عبدالغفور رند ڊپٽي جنرل سيڪريٽري، موليڏنو بجير رڪارڊ واقعات، ڪانجي مل، ڪامريڊ ٽيڪم مالهي ڊپٽي انفارميشن سيڪريٽري، شڪيل ڪنڀر ۽ سيد ياور عباس پڻ وڏي انگ ۾ شرڪت ڪئي، آخر ۾ قيادت پاران ورڪرن کي هدايت ڪئي وئي ته هو تنظيم جي طاقت وڌائڻ لاءِ عوامي رابطا وڌائين ۽ يومِ تاسيس جي تاريخي پروگرام کي ڪامياب بڻائڻ ۾ پنهنجو مڪمل ڪردار ادا ڪن.