نوشهروفيروز ۾ 27هين ترميم خلاف ڪارو ڏينهن ملهايو ويو

تحريڪ تحفظ آئين پاڪستان جي سڏ تي احتجاجي مظاهرو ڪيو ويو

نوشهروفيروز (ڊر) 27هين آئيني ترميم خلاف تحريڪ تحفظ آئين پاڪستان جي سڏ تي ڪارو ڏينهن ملهائي احتجاجي مظاهرو ڪيو ويو تفصيل موجب: نوشهرو فيروز ۾ تحريڪ تحفظِ آئينِ پاڪستان جي سڏ تي سنڌ يونائيٽيڊ پارٽي پاران پريس ڪلب آڏو احتجاجي مظاهرو ڪيو ويو. مظاهري جي اڳواڻي مهر علي وسطڙو، فرمان نول، خادم سيال، طالب مبيجو۔ جسقم اڳواڻ اسد عمراڻي۔ سجاد ڀٽي ۽ ٻين ڪئي. مظاهري دوران اڳواڻن چيو ته پاڪستان ۾ لاڳو ڪيل 26هين ۽ 27هين سميت سڀني غير آئيني ترميمن جي ڀرپور مزاحمت ڪندا. انهن زور ڏنو ته آئينِ پاڪستان کي 40 واري قرارداد مطابق ان جي اصل روح ۽ حقيقي شڪل ۾ بحال ڪيو وڃي، ڇو ته هي معاملو ملڪ جي وسيع مفاد سان تعلق رکي ٿو. انهن وڌيڪ چيو ته 27هين ترميم کانپوءِ عدالتون ڪينگرو ڪورٽن کان به بدتر ٿي ويون آهن ۽ پارليامينٽ سپريميسي هيٺ اچي وئي آهي. سنڌ حڪومت قلم 144 ذريعي خوف جي فضا قائم ڪرڻ جي ڪوشش ڪري رهي آهي، جيڪا عدلي نظام جي آزادي تي اثرانداز ٿئي ٿي. سنڌ يونائيٽيڊ پارٽي جا اڳواڻن چيو ته اهي 26هين ۽ 27هين آئيني ترميمن کي سول مارشل سمجهن ٿا ۽ پاڪستان جي آئين جي وقار ۽ اصل روح جي تحفظ لاءِ جدوجهد جاري رکندا.