ملير: اسٽيل ٽائون جي يو سي چيئرمين رضا جتوئي جي گهر مان 40 لک کان وڌيڪ جي چوري

گهرڀاتين جي غيرموجودگي ۾ جوابدار گهر مان 40 لک رپريا روڪ، سونا زيور ۽ ٻيو سامان کڻي ويا: متاثر

ملير (رپورٽ: عبدالرشيد مورجھريو) يو سي اسٽيل ٽائون جي چيئرمين رضا جتوئي جي گهر ۾ ڌاڙي جي واردات ان وقت پيش آئي جڏھن هو ۽ سندس گهروارا گهر ۾ موجود نه هئا۔ نامعلوم هٿياربند ماڻهو گهر جي پوئين حصي مان اندر گهڙي لکين رپين جي روڪ رقم، سون ۽ ٻيو قيمتي سامان کڻي فرار ٿي ويا مليل ڄاڻ موجب رضا جتوئي ۽ سندس فيملي ڪنهن ڪم سلسلي ۾ گهر کان ٻاهر ويا هئا، جنهن دوران سج لهڻ شرط نامعلوم چور گهر جي عقبي ديوار ٽپي اندر داخل ٿيا ۽ سمورو گهر ڇنڊي 40 لک رپيا نقد، سونا زيور ۽ ٻي قيمتي شيون گڏ ڪري فرار ٿي ويا واردات جي خبر تڏهن پئي جڏهن گهروارا واپس گهر پهتا ته ڪمرا ٽٽل تالن سان، سامان اڇلايل حالت ۾ مليو۔ واقعي جي فوري اطلاع پوليس کي ڏني وئي، جنهن پهچي جڳهه جو جائزو ورتو ۽ فنگر پرنٽس سميت اهم شاهديون گڏ ڪيون۔ پوليس جو چوڻ آهي ته لڳي ٿو واردات ڪنهن منظم ٽولي طرفان ڪئي وئي آهي، جيڪا گهڻي وقت کان گهر جي نگراني ڪري رهي هئي۔ علائقي ۾ لڳل سي سي ٽي وي ڪيمرائن جي فوٽيج حاصل ڪرڻ جو عمل پڻ جاري آهي، جيئن جوابدارن جي سڃاڻپ ممڪن بڻجي سگهي چيئرمين رضا جتوئي اختيارين کان مطالبو ڪيو آهي ته واردات ۾ ملوث جوابدارن کي جلد گرفتار ڪري لٽيل سامان برآمد ڪيو وڃي، ڇو ته علائقي ۾ وڌندڙ ڏوهاري ڪاررواين سبب رهواسين ۾ سخت خوف ۽ بي چيني پيدا ٿي وئي آهي۔