نوشهروفيروز ۾ اکين جي نور کان محروم نوجوان جو پٽ سميت احتجاج

206 views | 20th Nov 2025 • سنڌي خبرون

مون سميت 9 گهرڀاتي اکين جي نور کان محروم آهن: ڳوٺ سونهري واسي نديم سولنگي

نوشهروفيروز ۾ اکين جي نور کان محروم نوجوان جو پٽ سميت احتجاج

نوشهروفيروز(ڊ ر) نوشهروفيروز ۾ ڳوٺ سونهري واسي اکين جي نور کان محروم معذور نديم سولنگي پنهنجي معصوم پٽ سان گڏ پريس ڪلب آڏو احتجاج ڪندي صحافين اڳيان دانهيندي چيو آهي ته منهنجي خاندان جا 9 گهر ڀاتي اکين جي نور کان محروم آهن پر اسان کي حڪومت ۽ ضلعي انتظاميا پاران ڪابه سهولت ناهي ڏني جنهن جي ڪري پني گذر ڪرڻ تي مجبور آهيون هن چيو ته ڊي سي نوشهروفيروز وٽ چڪر هڻي ٿڪجي پيا آهيون پر هو اسان کي هر دفعي نظر انداز ڪري رهيو آهي نه ئي عشر زڪوات ٿي ملي نه وري بينظير انڪم سپورٽ پروگرام جي قسط ٿي ملي نه ئي روزگار ڏنو ٿو وڃي جيڪا وڏي زيادتي آهي هن مطالبو ڪيو ته کين سهولتون فراهم ڪري پنڻ واري زندگي کان بچايو وڃي