گلشن حديد ۾ هڪ ئي رات ۾ ڪيتريون ئي ڦر جون وارداتون

ڪجهه ئي ڪلاڪن دوران شهرين کان 13 موبائيل فونون ڦر ڪيون ويون

ملير (ڊر) علائقي ۾ وڌندڙ ڏوهن جي لهر ٻيهر خوفناڪ حد تائين وڌي وئي آهي گذريل رات 4 وڳي کان صبح 8 وڳي تائين مختلف هنڌن تي لڳاتار ٿيل وارداتن نه صرف علائقي ۾ رهندڙ ماڻهن ۾ شديد خوفُ هراس وڌائي ڇڏيو پر قانون لاڳو ڪندڙ ادارن جي ڪارڪردگي بابت به سنگين سوال اُٿاري ڇڏيا آهن علاقائي واسين موجب چند ڪلاڪن اندر 13 موبائل فون ڦرلٽ ٿي ويا، جڏهن ته هڪ سي ڊي 70 موٽر سائيڪل پڻ چوري ڪري وئي۔ وارداتون انتهائي بي خوف ۽ اطمينان سان ڪيون ويون، جنهن مان ظاهر ٿئي ٿو ته علائقي ۾ پوليس گشت نه هئڻ برابر آهي وارداتون ڪٿي ڪٿي ٿيون بدھ بازار وارو گرائونڊ دڪاندارن ۽ شهرين کان 6 موبائل فون ڦري ويا۔سُهيل ڪِرِيانا اسٽور وٽ مختلف ماڻهن کان 5 موبائل فون ڦرلٽ ڪيا ويا سنڌو چَوڪ وٽ ٻه شهرين کان 2 موبائل فون ڦري ويا مڪينن جو چوڻ آهي ته انهن سمورين وارداتن دوران نه پوليس جي گشت نظر آئي ۽ نه ئي ڪنهن فوري ڪارروائي جا آثار ڏسڻ ۾ آيا، جنهن سبب ڏوهاري وڌيڪ بي خوف ٿي آزادانه گهمي رهيا آهن۔ اسان لٽجي رهيا آهيون، ڪو پڇڻ وارو ناهي شهرين شديد غصي ۽ بي وسي جو اظهار ڪندي چيو عوام روزانو لٽي رهي آهي، پوليس سمهي پئي آهي ڏوهاري گاڏين ۽ موٽرسائيڪلن تي دندنائين ٿا ڪنهن به هنڌ باقاعده پوليس گشت نظر نٿو اچي ان صورتحال سبب علائقي ۾ خوف ۽ بيچيني وڌي وئي آهي۔ ماڻهو صبح سوير گهرن مان نڪرڻ کان به گهٻرائي رهيا آهن، جڏهن ته شام لهندي ئي بازارون ويران ٿيڻ لڳن ٿيون۔عوام جا مطالبا هاڻي بس اهلينِ گلشن حدید انتظاميا کان سخت مطالبو ڪيو آهي ته پوليس گشت ۾ فوري طور تي اضافو ڪيو وڃي ڏوهارين خلاف گڏيل ۽ مؤثر آپريشن شروع ڪيو وڃي سي سي ٽي وي مانيٽرنگ ۽ اسنيپ چيڪنگ فعال ڪئي وڃي متاثرن جون ايف آءِ آرز بنا دير داخل ڪيون وڃن علاقائي واسين خبردار ڪيو آهي ته جيڪڏهن صورتحال ساڳي رهي ته ڏوهن ۾ وڌيڪ اضافو ٿيندو ۽ عوام جو اعتماد مڪمل طور تي ختم ٿي ويندو۔