ڪيلگري ۾ سنڌ جي ثقافت جي ڏهاڙي جو شاندار جشن ملهايو ويو

البرٽا ۾ سنڌي ثقافتي گڏجاڻي جي سڀ کان وڏي تقريب طور تاريخ ۾ هڪ اهم سنگِ ميل ثابت ٿي

ڪيلگري (م ڊ) ڪيلگري ۾ هن هفتي سنڌي ڪلچر ڊي وڏي شان ۽ شوق سان ملهايو ويو، جنهن ۾ ڪيلگري، ايڊمنٽن، لئٿبرج، مئڊيسن هيٽ ۽ ريڊ ڊئير مان رڪارڊ انگ ۾ دوستن ۽ ڪميونٽي ميمبرن شرڪت ڪئي. هي تقريب البرٽا ۾ سنڌي ثقافتي گڏجاڻي جي سڀ کان وڏي تقريب طور تاريخ ۾ هڪ اهم سنگِ ميل ثابت ٿي، جيڪا ڪميونٽي جي اتحاد، ورثي ۽ سڃاڻپ کي خوبصورت انداز ۾ اجاگر ڪري ٿي.هن سال تاريخ ۾ پهريون دفعو ڪئناڊا حڪومت جي ٽنهي سطحن مان نمائندن تقريب ۾ شرڪت ڪئي، جن ۾ شامل هئا: وفاقي ايم پي جسراج هالن، وفاقي ايم پي دلوندر گل، وفاقي ايم پي امنپريت گل؛ صوبائي ايم ايل اي عرفان صابر، صوبائي ايم ايل اي گرندر برار، صوبائي ايم ايل اي پرميت سنگھ؛ ۽ سٽي ڪائونسلر راج ڌاليوال. تقريب ۾ سابق ايڊيشنل چيف سيڪريٽري حڪومت سنڌ پاڪستان، جناب قاضي شاهد پرويز خصوصي مهمان طور شرڪت ڪئي۰ سڀني معزز مهمانن کي روایتي سنڌي اجرڪ پيش ڪئي وئي، جيڪا احترام ۽ ثقافتي محبت جي علامت آهي.شازيه ميڪس ميمڻ کي سنڌي ڪميونٽي جي طويل خدمتن جي اعتراف ۾ خاص اعزاز سان نوازيو ويو. ان سان گڏ سينيئر ڪميونٽي اڳواڻن مشهود قاضي، ميڪس ميمڻ، سراج عباسي، ۽ ڊاڪٽر انور عادل کي پڻ سندن خدمتن تي خراج تحسین پيش ڪيو ويو.سنڌ جي مشھور ڳائڻي انینا فدا ھن پروگرام ۾ پرفارم ڪرڻ لا۽ خصوصي طور ڪئلگري ۾ موجود ھئي جنهن پنهنجي لڳاتار راڳ سان تقريب کي چار چنڊ لڳائي سڄي ماحول کي رقص ۽ خوشي سان ڀري ڇڏيو. شرڪت ڪندڙن انينا فدا جي دلفريب ۽ جذباتي ميوزڪ پرفارمنس مان مڪمل لطف ورتو۰هي شاندار تقريب عمران شيخ، فراز ميمڻ ۽ ڊاڪٽر عدنان عادل مٺواڻي جي بهترين تنظيم هيٺ منعقد ٿي، جڏهن ته نوجوان رضاڪارن جي محنت ۽ جذبن تقريب کي وڌيڪ ڪامياب بڻايو.هن تقريب کي منعقد ڪرڻ لا۽ حيات هومز، سيون سيز ڪنسٽرڪشن ۽ بٽ ڪڙاهي جي خصوصي ڪاوشن تي کین مڃتا ڏني ويئي.سنڌي ڪلچر ڊي 2025 البرٽا ۾ سنڌي ڊائسپورا جي جاندار ثقافتي سڃاڻپ، اتحاد ۽ ورثي سان محبت جو هڪ روشن مثال بڻجي سامهون آيو, هڪ اهڙو جشن جيڪو ايندڙ سالن لاءِ هڪ نئون معيار قائم ڪري ويو.