عاشق زرداري ۽ ڊسٽرڪٽ ڪائونسل ٺٽو جي چيئرمين پاران ميرپورساڪرو اسپتال جو دورو

ٺٽو(محمد شفيق ڀٽي) پاڪستان پيپلزپارٽي جي نوجوان اڳواڻ عاشق علي زرداري ۽ ڊسٽرڪٽ ڪائونسل ٺٽو جي چيئرمين عبدالحميد پنهور اڄ شيخ زيد اسپتال ميرپور ساڪرو جو دورو ڪيو، جتي هنن مريضن کي مهيا ٿيندڙ صحت جي سهولتن ۽ مجموعي انتظامن جو تفصيلي جائزو ورتو۔ان موقعي تي ميڊيڪل سپرنٽنڊنٽ ڊاڪٽر ممتاز چوهان معزز مهمانن کي اسپتال جي مختلف شعبن جو دورو ڪرايو ۽ کين مڪمل بريفنگ ڏني۔ ڊاڪٽر ممتاز چوهاڻ اسپتال جي بنيادي ضرورتن بابت آگاهي ڏيندي درخواست ڪئي ته هتي جي عوام کي بهتر علاج ۽ سهولتون ڏيڻ لاءِ مؤثر قدمن کڻڻ جي سخت ضرورت آهي، جنھن ۾ بلڊ بئنڪ جو قيام، جديد معيار جي ليبارٽري ۽ آرتھوپيڊڪ وارڊ شامل آهن۔عاشق علي زرداري ۽ چيئرمين عبدالحميد پنهور يقين ڏياريو ته هو عوامي ڀلائي ۽ سهولتن جي بهتري لاءِ هر ممڪن ڪوشش ڪندا ۽ هن حوالي سان لاڳاپيل ادارن سان فوري رابطا ڪري قدم کنيا ويندا، ته جيئن مقامي ماڻهن کي معياري صحت جون سهولتون جلد کان جلد فراهم ٿي سگهن۔آخر ۾، ڊاڪٽر ممتاز چوهاڻ معزز مهمانن جو شڪريو ادا ڪيو ۽ چيو ته مريضن کي بهترين ۽ وڌ کان وڌ سهولتون مهيا ڪرڻ سندس پهرين ترجيح آهي، ۽ اسپتال انتظاميه ان سلسلي ۾ پنهنجون ڪوششون جاري رکندي۔