گھگھر ۾ بنيادي سهولتن جي کوٽ خلاف شهري روڊن تي نڪري آيا

گھگھر ۽ ڀرپاسي جا علائقا ورهين کان بنيادي سهولتن کان محروم آهن، انتظاميه هر معاملي ۾ غائب آهي: اڳواڻ

ملير (رپورٽ: عبدالرشيد مورجھريو)گھگھر۾ پاڻي جي شديد کوٽ، سيوريج نظام جي تباهي، بجلي جي اڻ اعلانيل لوڊشيڊنگ، ناجائز طور پي ايم ٽي بند رکڻ ۽ وڌندڙ منشيات ۽ بدامني خلاف گھگھر ايڪشن ڪميٽي جي سڏ تي وڏي احتجاجي ريلي ڪڍي ويئي ريلي ۾ شريڪ سوين ماڻهن مولانا عبدالماجد چاچڙ فياض ايترو اعجاز سامٽيو مختيار سومرو جان محمد جاني ڊاڪٽر نذير زھراڻي ۽ ٻين جي اڳواڻي ۾ حسيني چوڪ کان ريلي ڪڍي وئي جيڪا مختلف رستن تان گذري مين روڊ پهتي جتي ڌرڻي ۾ تبديل ٿي وئي ريلي ۾ شريڪ ماڻهن هٿن ۾ بينر ۽ پلي ڪارڊ کڻي سخت نعري بازي ڪندي پاڻي ڏيو، انصاف ڏيو منشيات بند ڪريو بجلي بحال ڪريو ايسڪيو، واٽر بورڊ، ڪي اليڪٽرڪ ۽ مڪاني انتظاميا خلاف مسئلن جي حل نعره ھنيا ويا ۽ ڪاروائي جي گهر ڪئي اڳواڻن علي ٻٻر جمن شجراع ۽ منور ڪانڌڙو چيو ته گھگھر ۽ ڀرپاسي جا علائقا سالن کان بنيادي سهولتن کان محروم آهن، انتظاميا جي بي حسي سبب عوام جو جيئڻ ڏکيو ٿي ويو آهي اڳواڻن حڪومت کان مطالبو ڪيو ته فوري طور پاڻي، بجلي ۽ سيوريج جو نظام بحال ڪيو وڃي، منشيات جي واڌ خلاف آپريشن ڪيو وڃي، ۽ بند پي ايم ٽي کي فوري طور کوليو وڃي، ٻي صورت ۾ احتجاج جو دائرو وڌايو ويندو ۽ واٽر بورڊ ۽ ڪي اليڪٽرڪ آفيسن اڳيان ڌرڻا هنيا ويندا۔