مورو ۾ بااثرن جو واپاري تي مبينا تشدد، زخمي حالت ۾ اسپتال منتقل

مورو (رپورٽر) مورو شھر جي ميمڻ برادري جي معزز ۽ ڪاروباري شخصيت سيٺ ارشد علي ميمڻ بولاڻي ميڊيا کي ٻڌايو ته مين روڊ مورو ۾ سندس جو ھارڊويئر جو پراڻو دوڪان آھي, جتي ڪجھ ڏينهن پھريان بنا ڪنهن سبب جي مين روڊ جي دوڪاندارن دانيال راجپوت, احمد رضا راجپوت, بلال راجپوت ۽ سندن ملازم عقيب قريشي ڏنڊا, سريا, سرون ۽ لوھي راڊون کڻي منهنجي دوڪان تي آيا مون تي, منهنجي پٽ حسين ۽ ملازم عاشق علي سابقي تي قاتلاڻو حملو ڪيو, جنهن ڪري اسان کي ڪافي ڌڪ لڳا, جنهن کانپو۽ مان پنهنجي پٽ کي مورو ٿاڻي تت NC داخل ڪرائڻ لاءِ موڪليو, جڏهن ته مان پويان دوڪان تي اڪيلو ويٺو ھئس ته ساڳين ماڻهن مون تي وري ٻيو دفعو قاتلاڻو حملو ڪري لوھي سرا ۽ لوھي راڊون ھڻي مون کا شديد زخمي ڪري ڇڏيو۔حملي جو ٻڌڻ کانپو۽ سوين ماڻهو دوڪان تي پھچي ويا, جڏھن ته اتان جي مقامي دوڪاندارن مون کي بيھوشي جي حالت ۾ ٿاڻي تي کڻي آيا, جتي مون کي پنهنجي پٽ ٻڌايو ته مون سان انهن ساڳين ماڻھن پوليس جي سامھون مارڪٽ ڪئي آھي ۽ رڙين تي پوليس ڇڏايو آھي, ان کانپو۽ ٿاڻي تان ليٽر وٺي اتان علاج ڪرائڻ لاءِ تعلقه اسپتال مورو آياسين جتي فرسٽ ايڊ ڏيڻ کانپو۽ مون کي وڌيڪ علاج لاءِ نواب شاھ ريفر ڪيو ويو۔هن وڌيڪ چيو ته مان ھارٽ جو پيشنٽ آھيان ۽ حملي آور مون کي پنهنجي پر ۾ ماري چڪا هئا, رب پاڪ مون کي نئين زندگي ڏني آهي, جڏهن ته مورو شھر جا معزز ۽ چڱا فيصلي جي لا۽ چئي رھيا آھن, ڇا اھي قرآن شريف تي حق جو فيصلو ڪرائيندا! ڇا اهي اسان سان حق جو فيصلو ڪندا! ڇا مورو شھر ۾ شريف ۽ ڪاروباري ماڻھن کي رھڻ جو حق نه آھي!