ملير: هٿياربندن هٿان شهيد اهلڪار عبدالڪريم ڊاگرو جي جنازي نماز ادا

هٿياربندن جي فائرنگ ۾ شهيد ٿيل اهلڪار عبدالڪريم ڊاگرو جي پير سرهندي ڳوٺ ۾ جنازي نماز ادا

ملير (رپورٽ: عبدالرشيد مورجھريو) عثمان خاصخيلي ڳوٺ ۾ هٿياربندن جي فائرنگ ۾ شهيد ٿيل پوليس اهلڪار عبدالڪريم ڊاگرو جي جنازي نماز پير سرهندي ڳوٺ ۾ ادا ڪئي ويئي جنازي نماز ۾ ڳوٺاڻاڻن ، چونڊيل نمائندن ايم پي اي ساجد جوکيو، ايڊيشنل آئي جي جاويد عالم اوڍو ايس ايس پي ملير عبدالخالق پيرزادو ۽ ٻين اعليٰ آفيسرن شرڪت ڪئي جنازي نماز کان پوءِ شهيد پوليس اهلڪار کي گارڊ آف آنر ڏيئي مڙهه کي مقامي قبرستان ۾ مٽي ماءُ حوالي ڪيو ويو شهيد کي پوليس اعزاز سان آخري الوداع به پڻ ڏني وئي، جڏهن ته ڳوٺ ۾ سوڳ جو ماحول ڇانيل هو ۽ شهيد جي قرباني تي ڳوٺاڻن ۽ ساٿين افسوس جو اظهار ڪيو واقعي کان پوءِ اعليٰ آفيسرن سخت قدم کڻندي ايس ايچ او ميمڻ ڳوٺ ۽ ڊي ايس پي کي معطل ڪري انڪوائري جو حڪم ڏنو آهي، ته جيئن شهيد اهلڪار جي قتل جا سبب ۽ ذميوار ڌريون سامهون اچي سگهن ٻئي طرف انتظاميه طرفان جاويد ابڙو کي ميمڻ ڳوٺ ٿاڻي جو نئون ايس ايچ او مقرر ڪيو ويو آهي