عمرڪوٽ ۾ تعليم کاتي جو وڏو آپريشن، گھوسٽ استاد پڪڙجي ويا، 11 نوڪرين مان برطرف

پرائمري سيڪشن جا 7 استاد ۽ سيڪنڊري جا 4 استاد مستقل طور تي نوڪري مان فارغ ڪيا ويا

عمرڪوٽ (رپورٽ:ڪانجي مل رکيسر) تعليم کاتي عمرڪوٽ ۾ وڏو ڌماڪو ڊائريڪٽر اسڪول ايجوڪيشن پرائمري ۽ سيڪنڊري وڏي ڪاروائيءَ ڪندي گھوسٽ استادن جو گهيرو تنگ ڪري ڇڏيو، پرائمري سيڪشن جا 7 استاد ۽ سيڪنڊري جا 4 استاد مستقل طور تي نوڪري مان فارغ ڪيا ويا، ذريعن موجب برطرفي جا باضابطا نوٽيفڪيشن ڊي اي او پرائمري ۽ سيڪنڊري، ڊائريڪٽر جنرل ايم اينڊ اي ۽ ٻين عملدارن کي جاري ڪيا ويا آهن، نوٽيفڪيشن ۾ چيو ويو آهي ته ملازم ڊيوٽيءَ تان غير حاضر رهيا ۽ 1973ع جي ڊسپلنري قانونن جي ڀڃڪڙي ڪئي بايو ميٽرڪ ذريعي غيرحاضري جي تصديق ٿيڻ بعد کين ڪيترائي ڀيرا شوڪاز نوٽيس ڏنا ويا، پر هو جواب ڏيڻ لاءِ پيش نه ٿي سگهيا، رائمري سيڪشن مان برطرف ٿيل استاد محمد رفيق، پريم ڪمار، منيش ڪمار، جيئه پال سنگهه، دليپ، زنيره فاطمه ۽ اسمه شامل آھن جڏھن تهسيڪنڊري سيڪشن مان برطرف ٿيل استادن ۾ ويڪانند، عبدالعزيز، صالح حسين ۽ حمامہ سهيل شامل آھن، ڊائريڪٽر اسڪول ايجوڪيشن پرائمري ۽ سيڪنڊري چيو آهي ته ملازم غيرقانوني طور تي پگهارون ۽ مراعات وٺي رهيا هئا، تنهن ڪري کين نوڪري مان فارغ ڪيو ويو، تعليم کاتي ۾ سڌارا آڻڻ لاءِ اهڙن گھوسٽ ملازمن خلاف سخت قدم کنيا ويندا.