ملير: شاهه لطيف پوليس پاران 3 جوابدار زخمي حالت ۾ گرفتار ڪرڻ جي دعويٰ

شهرين کان ڦر ڪري فرار ٿيندڙ ڦورن سان مقابلو ٿي پيو، ٽن ڄڻن کي زخمي حالت ۾ گرفتار ڪري ورتو: پوليس

ملير (رپورٽ: عبدالرشيد مورجھريو) شاهه لطيف ٿاڻي جي حد بروهي چوڪ لڳ پوليس ۽ جوابدارن ۾ مبينا مقابلو ٿي پيو آن سلسلي ۾ پوليس دعوا ڪئي آهي ته جوابدار شهرين کان ڦر ڪرڻ بعد فرار ٿي رهيا هئا جن کي پوليس گهيري ۾ آندو ته جوابدارن پوليس کي ڏسندي ئي فائرنگ شروع ڪري ڏني، جنهن تي پوليس به جوابي فائرنگ ڪئي مقابلي ۾ ٽي جوابدار زخمي ٿيا جن مان هڪ کي پوليس گرفتار ڪري ورتو.گرفتار ملزمان جي سڃاڻپ علي مراد، فياض ۽ يوسف طور ڪئي وئي آهي.پوليس ٻڌايو ته گرفتار جوابدار جي قبضي مان ٻه پسٽل گڏ ايمونيشن، چار موبائل فون، ٻه موٽر سائيڪلون ۽ نقد رقم هٿ آيا آهن. زخمي ملزم کي فوري طبي امداد لاءِ اسپتال منتقل ڪيو ويو.پوليس اختيارين جو چوڻ آهي ته هٿ آيل هٿيار فرانزڪ جاچ لاءِ موڪليو ويو آهي، جڏهن ته موٽر سائيڪلن جو رڪارڊ AVLC کان چڪاس هيٺ آهي. گرفتار ملزمان عادي ڏوهاري آهن جيڪي اڳ به ڪيترن ڪيسن ۾ گرفتار ٿي جيل وڃڻ بعد وري آزاد ٿيا هئا. ضابطي جي ڪارروائي جاري آهي.