ابراهيم حيدري پوليس جي ڪارروائي، ٻيڙين وسيلي سوپاریوں ۽ گٽڪو ماوو اسمگل ڪندڙ 2جوابدار گرفتار

ڪارروائي دوران منشيات اسمگلنگ ۾ ملوث ٻن جوابدارن کي گرفتار ڪري ورتو: ابراهيم حيدري پوليس

ملير(رپورٽ: عبدالرشيد مورجھريو) ابراهيم حيدري پوليس ڪارروائي ڪندي سامونڊي پٽي تان گٽڪو ماوو ۽ سوپارين جي اسمگلنگ ۾ ملوث ٻن جوابدارن کي گرفتار ڪري ورتو پوليس ترجمان موجب ڳجهي اطلاع تي ڪارروائي دوران ابراهيم حيدري ٿاڻي جي حدن ۾ سمنڊ ڪناري ٻيڙي مان ٻن جوابدارن کي گرفتار ڪيو ويو، جيڪي سوپاريون ۽ ٻين صحت لاءِ هاڃيڪار شين کي ٻيڙين ذريعي لڪائي ٻيٽن ۽ سامونڊي وسندين تائين پهچائي رهيا هئا پوليس کي جوابدارن جي قبضي مان 27 بورين ۾ 354 ڪلو ڇاليه، 60 ڪلو کان وڌيڪ گٽڪو ماوا ۽ 27 پيڪٽ ڪٿو هٿ آيو. گرفتار جوابدارن جي سڃاڻپ الطاف ۽ شبير جي نالن سان ٿي آهي، جيڪي ٻيڙين جي ڳجهن خانن ۾ اهي شيون لڪائي شهر جي مختلف علائقن ۾ وڏي پيماني تي وڪرو ڪندا هئا پوليس مطابق هٿ آيل سمورو سامان ضابطي تحت تحويل ۾ وٺي ڇڏيو ويو آهي، جڏهن ته گرفتار جوابدارن جو ڏوهن وارو رڪارڊ پرکيو پيو وڃي ۽ ٻين ساٿين جي گرفتاري لاءِ ڇاپا هنيا پيا وڃن.