ان موقعي تي چيف ميونسپل آفيسر ۽ ٻيا لاڳاپيل عملدار به ڊي سي سان گڏ هئا
ٺٽو(شفيق ڀٽي)ڊپٽي ڪمشنر منور عباس سومرو چيف ميونسپل آفيسر ۽ ٻين لاڳاپيل عملدارن سان گڏ ٺٽي شهر جي مختلف علائقن جو دورو ڪري تازين برساتن دوران برساتي پاڻي جي نيڪال جي انتظامن ۽ لاڳاپيل عملدارن سميت عملي جي ڪارڪردگي جو جائزو ورتو - ڊپٽي ڪمشنر ھيٺائين وارن علائقن ۾ برسات جي بيٺل پاڻيءَ جي صورتحال جو معائنو ڪيو ۽ لاڳاپيل عملدارن کي هدايت ڪئي ته پاڻيءَ جي نيڪال واري عمل کي تيز ڪيو وڃي ۽ ڪنهن به علائقي ۾ پاڻي جمع ٿيڻ نه ڏنو وڃي . هن چيو ته شهرين کي گھربل بنيادي سهولتون فراهم ڪرڻ اولين ترجيح آهي ۽ ان مقصد لاءِ سمورا موجود وسيلا استعمال ڪيا وڃن . دوري دوران هن مختلف ڊسپوزلز ، ڊرينيج نالن ، پمپنگ اسٽيشنن ، فيلڊ ٽيمز جي موجودگي ۽ صفائيءَ سٿرائيءَ جو جائزو ورتو ۽ لاڳاپيل ادارن کي هدايت ڪئي ته سمورن ڊسپوزلن جي صفائيءَ کي يقيني بڻايو وڃي ۽ ڪنهن به مشين جي خراب ٿيڻ جي صورت ۾ فوري طور متبادل بندوبست ڪيو وڃي ته جيئن ماڻهن کي پريشانيءَ کان بچائي سگهجي . ڊپٽي ڪمشنر عوام کي اپيل ڪئي ته برسات دوران غير ضروري طور گهرن کان ٻاهر نه نڪرن ۽ صفائيءَ جي عمل ۾ انتظاميه سان سهڪار ڪن . هن يقين ڏياريو ته ضلعي انتظاميه هر ممڪن قدم کڻي رهي آهي ته جيئن معمولات زندگي جلد کان جلد بحال ڪري سگهجي .
0 تبصرے