شيخ عبدالمجيد سنڌي ڪالوني، بلال نگر ڪالوني، زرين ڪالوني، غريب آباد مارڪيٽ ۽ مين بازار جي بجلي بند
ٺٽو( محمد شفيق ڀٽي) ڌاٻيجي ۽ جي مختلف علائقن ۾ بجليءَ جو مسئلو شدت اختيار ڪري ويو شيخ عبدالمجيد سندهي ڪالوني، بلال نگر ڪالوني، زرين ڪالوني، غريب آباد مارڪيٽ ۽ مين بازار جي بجلي گذريل ڪيترن ئي ڏينهن کان بند آهي. بلال نگر ڪالوني جي بجلي 10 ڏينهن گذرڻ باوجود بحال نه ٿي سگهي. علائقي جا شهري، معصوم ٻار، بزرگ وڌيڪ اذيت ۾ مبتلا ٿي ويا آهن. ساڳيءَ طرح غريب آباد مارڪيٽ مين بازار جي پي ايم ٽي نمبر 3 کي ڪي اليڪٽرڪ طرفان اوچتو بند ڪيو ويو، ٽيڪنيڪل پرابلم جو جواز پيش ڪري. پنج-ڇهه ڏينهن گذرڻ باوجود بجلي بحال نه ٿي سگهي ڪاروبار تمام گهڻو متاثر ٿيو آھي۔ شيخ عبدالمجيد سندهي ڪالوني، بهار ڪالوني ۾ عزيز راشن واري دڪان اڳيان قائم ڪيل ڊبل پي ايم ٽي تي بريڪر جو مسئلو به ڪيترن ڏينهن کان برقرار آهي. علائقي جا شهري، ڪاروباري حضرات ۽ عام غريب مزدور، ديهاڙي دار ماڻهو بجليءَ جي اذيت سبب پريشان ٿي ويا آهن. شهرين ميڊيا سان ڳالهيئندي چيو ته اسين شڪايت ڪريون پر ڪنهن سان نه ڪي اليڪٽرڪ آفيسر اسان جي ٻڌن ٿا، نه ئي ڪو اعليٰ عملدار اسان ڏانهن توجه ڏئي ٿو. اسان فرياد به ڪريون ته ڪنهن سان ڪريون، ان کان علاوه علائقي جي مختلف پي ايم ٽي مان بجلي چوري ڪري وڪڻندڙ ماڻهن خلاف اڃا تائين ڪارروائي نه ٿي آھي شيخ عبدالمجيد سندهي ڪالوني جي ڊبل پي ايم ٽي ۽ غريب آباد مارڪيٽ مان بجلي چوري ڪري وڪڻندڙ ظهير خٽڪ، راشد آرائين، وزير سولنگي افضل ڀٽي، گوهر خٽڪ، ارشد گندرو – انهن خلاف ڪي اليڪٽرڪ اڃا تائين ڪا قانوني ڪارروائي نه ڪئي آهي، جنهن سبب علائقي جي عوام کي وڌيڪ تڪليفن کي منهن ڏيڻو پيو پوي. انهن سڀني علائقي جي عوام پرزور اپيل ڪندي ايم پي اي حاجي علي حسن زرداري، عاشق حسين زرداري، ۽ چيئرمين ضلعي ڪائونسل عبدالحميد کان نوٽيس وٺڻ جو مطالبو ڪيو آهي بجلي چوري ڪندڙ ماڻهن خلاف قانوني ڪارروائي ڪئي وڃي ۽ علائقي مان بجلي جو بحران ختم ڪريو وڃي ته جيئن شهري سک جو ساهه کڻي سگهن.
0 تبصرے