گهگهر ۾ سياسي ۽ سماجي اڳواڻن جي گڏجاڻي، بنيادي مسئلن جي حل بابت غور ويچار

5سيپٽمبر تي گهگهر يوسي آفيس آڏو پاڻي، روڊن ۽ سيوريج جي مسئلن جي حل لاءِ احتجاج جو فيصلو

ملير (رپورٽ: عبدالرشيد مورجھريو) گهگهر ۾ ايس ٽي پي جي اڳواڻ شمشاد زهراڻي جي جڳھ تي علائقي جي مجموعي مسئلن تي ميڙاڪو ٿيو جنهن ۾ سياسي، سماجي اڳواڻن ۽ علائقائي معززن وڏي تعداد ۾ شرڪت ڪئي. گڏجاڻي ۾ عبدالمجيد چاچڙ، فياض اتيرو، سينگار بليدي، جمن شجراع، منور ڪانڌڙو، عرفان جوکيو، نبي بخش بليدي، بقا محمد دراني، عبدالقادر مگسي، عبدالجبار لنڊ، علي احمد لغاري، شمشاد زهراڻي ۽ جان محمد جاني حيدري سميت ٻين اڳواڻن شرڪت ڪئي.گڏجاڻي ۾ فيصلو ڪيو ويو ته 5 سيپٽمبر جمعي جي ڏينهن صبح 10 وڳي گهگهر يوسي آفيس آڏو پاڻي، روڊن ۽ سيوريج جي مسئلن جي حل لاءِ احتجاج ڪيو ويندو. ان موقعي تي اهو به طئي ڪيو ويو ته گيس، بجلي ۽ انڪروچمنٽ بابت ڊپٽي ڪمشنر ملير ۽ لاڳاپيل ادارن جي سربراهن کي پڻ درخواستون پيش ڪيون وينديون، جڏهن ته مستقبل جي لائحا عمل جو فيصلو ايندڙ گڏجاڻي ۾ ڪيو ويندو.اجلاس جي آخر ۾ شرڪت ڪندڙن طرفان سنڌ جي وڏي وزير، آءِ جي سنڌ، ايس ايس پي ملير ۽ ايس ايڇ او اسٽيل ٽائون کان مطالبو ڪيو ويو ته گهگهر جي پورهيت اڪرم زهراڻي کي ڌاڙيلن جي چنبي مان فوري طور بازياب ڪرايو وڃي.